العملات ف الفترة القادمة بامر الله تعالى
السلام عليكم
باذن الله تعالى خلال الفترة الجاية هنواجه امور حاسمة للعملات ولابد نكون على علم بيها
ودا ملخص بسيط جدا للاحداث الجاية باذن الله تعالى //
الدولار :
الفيدرالى اعلن ان خطة التخفيف الكمى التانية هتنتهى ف يونيو القادم ومفيش اى ااشارة عن الجزء التالت من البرنامج
ومعروف ان التخفيف الكمى هدفه ضخ الدولارات ف السوق وانعاش السيولة وبرغم ان دا له اهداف ايجابية لكن له سلبيات خصوصا ارتفاع التضخم
وبالتالى اعتقد والله اعلم ان الجزء التالت مش هيحصل
الفيدرالى الامريكى اعلن امس ان رفع الفائدة هيكون بشكل اسرع مما هو متوقع لكن دا بيتعارض مع تصريحات قراتها من اسبوعين ان التضخم ف حدود مقبولة !!
بالاضافة لكده قطاع العقارات ف امريكا ما زال يتجه من سىء لاسوء
اليورو :
عندنا ازمة البرتغال اللى اشتعلت بعد استقالة رئيس الوزارة ورفض البرلمان لخطة الانقاذ بالظبط زى ما حصل اليرلندا
اليورو متماسك جداااااا لان تريشيه اعلن من شهر نيته رفع الفائدة ف اوائل ابريل
تم تخفيض تقييم الديون ف البرتغال / اسبانيا / وتم تخفيض تقييم بعض البنوك الاسبانية
البيانات الصادرة من اوربا بتوضحلنا ضغوط الاسعار الشديدة على المركزى الاوربى لرفع الفائدة لكن المشكلة الان هى البرتغال
مع ذلك ما زال اليورو متماسك لحين خروج تريشيه علينا بتصريح جديد
الكيبل :
نغمة رفع الفائدة بدات تقل وباالتالى مفيش اى شهية لشراء الكيبل الا من مستويات سفلية
بيانات سيئة جدا خرجت عن اقتصاد انجلترا خصوصا مبيعات التجزئة
اعتقد والله اعلم ان الكيبل هيكون ضحية كبيرة ف ابريل اللهم لو مرجعتش تانى نغمة رفع الفائدة
