عملية الـ twist سبب ارتفاع الدولار
السلام عليكم
البنك الفيدرالى بدأ من قليل عملية التويست وهى احد عمليات الاوبن ماركت
العملية بتتم كالتالى
البنك الفيدرالى بيدخل كبائع للسندات والاصول قريبة المدى short term
وبنفس الوقت بيستخدم العائد اللى هيحصل عليه فى شراء السندات بعيدة المدى
العمليات دى اسمها تويست او لف او تحويل والغرض منها "بشكل اساسى" ان البنك يتحكم فى الفائدة على الديون اللى على امريكا فى المدى الطويل ويعمل تحفيز ف الاقتصاد
بشكل مبسط
امريكا عايزة تتحكم فى الديون اللى عليها خلال فترة 10 سنين / 30 سنة "سندات تستحق السداد بعد 10 سنوات" و تقلل العائد عليها
البنك الاحتياطى مش هيطبع فلوس جديدة "زى ال QE " انما هيعمل صد ورد " هات وخد"
ازاى !! هيبيع كل اللى معاه من سندات تستحق من 1: 3 سنوات وياخد الفلوس يشترى بيها سندات طويلة الامد مستحقة على امريكا
طب ليه !!
اولا عشان يقلل العائد المستحق على الديون طويلة الامد ويخفض كمية السندات"طويلة المدى " فى الاسواق
ثانيا يخفض العائد على الاصول العقارية " مش متاكد اوى من النقطة دى لكن اكيد دا احد الاسباب " اللى معروف عنها انها طويلة الامد
ثالثا يعمل تحفيز فى الاسواق بدل ما يطبع فلوس جديدة يعمل تبديل " يبيع ويشترى من خلال عائد البيع "
فى معلومات كتير متعلقة بالموضوع دا لكن دا مختصر مفيد وارجو ان اكون شرحت للاخوة ايه اللى بيحصل وايه سبب ارتفاع الدولار
