شرح طريقة متاجرتى عن الورشة المثبتة كما طلب البعض
اولا معذرة عن التاخير فى شرح الطريقة وان كثيرمن الاعضاء ارسل لى رسائل لشرح الطريقة
بس والله كنت مشغول جدا بسبب حفل الخطوبة عقبال عندكم
عشان كدة كنت مشغول بقالى اسبوعين عنكم
المهم ياجماعة
انا بشتغل بطريقيتن
طريقة طويلة الامد وطريقة سريعة
نشرح الاول الطريقة السريعة
وهى طريقة لاحد الاخوة الافاضل بس رائعة
تعتمد على مؤشر الزجزاج على فريم الخمس دقائق
عند تكون قمة مثلا عند النقطة 1.3060
ننتظر هبوط السعر 60 نقطة ونقوم بالشراء بهدف 20 واستوب 30
وصفقة اخرى بهدف 30 واستوب 30
يعنى نقوم بفتح صفقتين شراء من سعر 1.3000
وفى حالة تكون قاع ننتظر صعود السعر 60 نقطة ونقوم بالبيع
ونفتح برضو صفقتين بنفس الطريقة
الطريقة دى لهواة الصفقات الصغيرة والاستوب لوز
ودى لزوجين فقط الباوند دولار واليورو دولار
وغالبا فى اليوم الواحد بتوجد اكثر من 3 فرص على كل زوج
طبعا هناك بعض الاوقات بتضرب الاستوب
بس النتيجة مبهرة بصراحة
الطريقة الثانية
وهى طريقة اروع وتعتمد على اكثر من شئ وتحتاج لحسن ادارة راس المال وندخل اللوت ب 1 % من راس المال
انظر للشارت الذى امامك
هناك موشرين موشر الاستوكستيك ومؤشر فيشر
عند تكون قمة عند المؤشر الاول فيشر اللى باللون الازرق على فريم الاربع ساعات ويستحسن اليومى
وفى نفس الوقت موشر الاستوكستيك هناك تشبع ووصل الى خط 85
اذن دخل بيع وبهدف 40 نقطة وبدون استوب لوز
وغالبا الهدف يتحقق الا فى اصعب الظروف كما حدث فى الايام الاخيرة بس فى نفس الوقت احنا مستفدين
طيب ازاى
نركز بقى شوية فى الجاى ازاى
مثلا حدث كما قلنا وفتحتنا صفقة بيع عند مستوى 1.3020 وهدف 40 نقطة
بس للاسف السعر صعد هنا نوم بفتح صفقة تبريد 1 بعد 50 نقطة عند مستوى 1.3070
والهدف نقطة الدخول الاولى 1.3020
وفى الصفقة الاولى نحرك الهدف لنقطة الدخول وغالبا السعر بيرجع ويحقق الهدف لان هناك تشبع كبير فى المؤشرين
وطبعا الموشرين دول ما فيهومش اعادة رسم حسب السعر او اى حاجة
طيب فرضا ياسيدى لاسوا الظروف كما حدث فى الفترة الاخيرة السعر فى اتجاه واحد
فنفرض ان السعر صعد مرة اخرى
هنا نفتح صفقة تبريد 2 عند بعد 50 نقطة
يعنى السعر وصل 1.3120 ويكون الهدف نقطة الدخول للصفقة السابقة اللى هى تبريد 1
والصفقات السابقة نجعل الهدف نقطة الدخول
طيب نفرض لاسوا الظروف السعر استمر فى الصعود
هنا بقى نفتح صفقتين هيدج بعد 50 نقطة
يبقى عندنا تبريد 3 اللى هى بيع من نقطة 1.3170 + شراء من نفس النقطة من 1.3170
ونجعل بقى هدف الشراء 50 نقطة ويبقى كدة احنا استفدنا حتى لو السعر عكس علينا
اما لو السعر رجع خير وبركة وهنا بقى هنعمل ايه
هنجعل هدف تبريد 3 الهدف بتاعه 100 نقطة وهدف تبريد 2 الهدف بتاعه 50 نقطة ونجعل الاستوب لوز بتاع عقد الشراء 100 نقطة
يبقى احنا كدنا خرجنا على ربح 50 نقطة وعندنا عقد بيع متبقى ننتظر للوصول لنقطة الدخول ونخرج
وغالبا السعر بيرجع ولو بعد فترة
مميزات هذه الطرقة انك بتدخل من مناطق تشبع بيعى او شرائى مثلا فالسعر ما بيعكس كتير
ولو عكس بتعمل تبريد 1 وبعد كدة تبريد 2 وبعد كدة تبريد 3 + هيدج 1 كل 50 نقطة
وغالبا السعر بيرجع ولو فرضا لاسوا الظروف السعر مرجعش وفضل ينزل مثلا 600 نقطة انت بتبقى تقريبا مش خسران كتير
لانك بتفتح هيدج مع تبريد 3
هى الطريقة صعبة بس روعة ومربحة جدا
يكفى انى والله العظيم فى حساب تجريبى تم تحويل عشر الاف دولار الى 35 الف دولار فى مسافة شهر تقريبا
المهم ياجماعة حسن ادارة راس المال ودى اهم حاجة وخلى باللك السعر لازم هيرجع ولو بعد حين
وكدة كدة انت بتكسب مع الهيدج واكيد السعر بيعمل تصحيح فانت كسبان طالع نازل
هى الطريقة صعبة شوية وحتاجة شوية اتقان
واى سؤال انا فى الخدمة ومعذرة مرة تانية عن التاخر فى الشرح
.gif)
