معنديش فكرة فقهية عن اللى حضرتك بتقوله..الله اعلم
لكن بالنسبة للتقسيط فهناك اراء كثيرة تحرم التقسيط لانه شديد الشبه بالربا بدليل ان حضرتك بتقولى ليه القرض الربوى لما ممكن التقسيط..التقسيط يستغل ضيقتك المالية ويضيف اعبائك بالفوائد قى مقابل الحصول على مالا تملك الان واعطائك مهلة من الوقت لتعيد كامل المال بالاضافة للفائده ..عليها كلام فقهى كتير وكان الغالب هو التحريم لكن البعض لما لقوا الناس مش لاقيه حلول بدأت تقول انها حلال زى ما بدأت بعد التحايلات "القروض من البنوك الاسلامية" وهى نفس القروض الربوية بالتفاصيل بالنسبه لحضرتك لكن بطريقة ملتوية..يعنى يسألنى حضرتك عاوز 200 الف جنيه ليه؟اقوله عشان عاوز عربية المانى...يقولى طيب انا هشترى العربيه الالمانى ب 180 الف وابيعهالك ب 200 الف وكده ميبقاش ربا "انبهرت انا"
وهو ده اللى مختلفين عليه من قديم الزمن..انا عاوز اوضح ان الحكم الاسلامى هيفرض قيود اضافية وقد تكون بلا بدائل وان الدنيا مش هتكون بمبى زى ما حضرتك بتحاول توصلنا فى الموضوع والفيديوهات..الحياة مش بالبساطة دى والدنيا مصالح ولو لم تلتق المصالح لما كان هناك تعامل من الاصل.
انا ياعم لو عاوز اشترى دنيتى واخسر اخرتى فهذا شأنى ولا تفرضه على كما لا تفرض على العكس,انت كحاكم عليك الا تحرمنى من اى حل طالما لا يؤذى غيرى والجنه والنار دى بتاعة ربنا (لو لك تعليق على ده ياريت يكون فى موضوع من مواضيع الحكم الدينى اللى حضرتك كبت عنها كتير عشان مندخلش فى فرعيات).
وكان يجب ان تضع العنوان المناسب للموضوع هكذا ك"الاسلام يدخلك الجنة" او "الاقتصاد الاسلامى هو الحلال" وليس "هو الحل" لأن كلام حضرتك معناه ان الاغنياء فقط من سيستفيدوا فى حين ان الاقتصاد الاسلامى انتزع حلول اخرى متاحة بلا بديل ولما حد يقولك كده بتقوله"ده الدين واشترى اخرتك" وهو مالا وجود له فى علم الاقتصاد ولا يعتبر هو الحل كما تقول.
وهناك سؤال يلح على جدا الحقيقة وهو ان كان الاجانب يروا الاقتصاد الاسلامى هو الافضل فلماذا لا يطبقونه؟؟؟؟؟؟؟؟؟؟؟؟؟؟
عموما انا قلت وجهة نظرى خلاص لو فى حد من اهل العلم ليه رأى مختلف ممكن يقوله لأننا تقريبا هندخل فى نوع من الجدل العقيم الذى عاده لا ينتهى.
رد: الاقتصاد الاسلامى هو الحل
