أولا كيف نختار دعومنا ومقاومتنا
ما هو معنى دعم قوى
أو مقاومة قوية
الدعم القوى ببساطة او المستوى الذى نسطتيع اعتباره دعم هو الذى رفع السعر لأعلى 50 نقطة على الاقل فأكثر بالطبع وكلما كان الدعم قويا رد السعر لاعلى نقاطا أكثر .
يعنى بالبلدى المستوى اللى اتخبط فيه السعر وهو نازل راح رافعه لفوق 50 نقطة وياسلام لو كان رفعه اكثر كمان من 50 نقطة يبقى تمام .
ودا معناه ايه :
المقاومة القوية :
هو المستوى الذى رد السعر لأسفل 50 نقطة فاكثر وكلما ارتد السعر عدد اعلى من النقاط كلما كانت المقاومة أقوى هكذا ببساطة .
بالبلدى برضه كدا : يعنى مستوى جه السعر يخبط فيه وهو طالع راح المستوى دا راميه لتحت اكثر من 50 نقطة وكل ما زادت عدد النقاط كل ماكان المستوى أقوى طبعا .
ليه مستوى ال 4 ساعات
مستوى ال4 ساعات يعتبر أصغر اصدق مستوى تقريبا , والمقاومات والدعوم فيه ببساطة شديدة صعب انها تخترق من اول مرة وأكاد أجزم انه مستحيل تقريبا يتم اختراق المستويات دى من اول مرة حتى كمان فى حالات الاخبار السعر لابد وأن يرتد منه قبل اختراقه .
معنى كدا ان مهما كان وقت دخولك فى الصفقة (بالرغم من اننا مش داخلين فى اوقات الاخبار ) هتخرج على الاقل بلا خسارة إن مكانش بربح .
طيب ماهو المستوى بيتخبط السعر فيه مرة و 2 و 3 وكتير كمان ويرتد احنا هندخل كام مرة ؟؟؟
احنا هندخل على الارتداد دا كام مرة؟؟؟
هى مرة واحدة ولو السعر قفل بشمعتين أو أكثر فوق المستوى وبعد كدا رجع نزل يبقى هنستعمل المستوى دا تانى لكن مش قبل الاغلاق فوقه بشمعتين 4 ساعات يعنى مش قبل 8 ساعات بالاضافة كمان لشموع الهبوط أو الصعود اللى هتخبط فى المستوى فى الغالب المستوى نفسه مش هنستعمله قبل مرور نصف يوم على الاقل .