والله انا برضة اول ما بدأت أفهم عن الفوركس كنت عايز اعرف اذا كان حلال ولا حرام و دورت كتير جدا في الموضوع دة
ولما دورت حسيت بعدم وجود المصداقية مطلقا
الناس اللي دايسة في الحوار من زمان و اصحاب المنتديات وشركات الوساطة بيحللوا وخلاص دون اسباب مقنعة
والناس اللي بتدخل على مواقع الفتواى الالكترونية بيجيبوا فتاوى بالتحريم برضة دون اسباب مقنعة دة بغض النظر عن ما كان الشيخ المفتي على دراية بعلم الاقتصاد او لا
حسيت انة الامر الطبيعي والواقعي والمنتظر من الجو اللي احنا فية . تضليل , مع عدم فهم , وكلام دون علم او مرجعية
ساعتها ذاد تمسكي بالمعرفة
وخاصة اني قبل كدة حصل معايا نفس الكلام دة بالظبط في التسويق الشبكي و في الاخر تركتة تجنبا للشبهات
دورت وعرفت ان الناس حللت كل حاجة و جم لتجارة الهامش وقالوا دي بقى حرام
ودورت تاني لغاية ما لاقيت فتوى الدكتور محمد علي القري , أستاذ الفقة الاسلامي , بجامعة الملك عبد العزيز , جدة
والفتوى صادرة من رابطة العالم الاسلامي ,المجمع الفقهي الاسلامي , بمكة المكرمة
الفتوى مكونة من 32 صفحة , الدكتور شارح الموضوع بالتفصيل في اول 24 صفحة , ومن ثم رأي المعارضين و ادلتهم و راي المجيزين وادلتهم وفي الاخر خالص رأي الدكتور محمد علي
واليكم الفتوى