بسم الله الرحمن الرحيم
الأخوة الكرام في المنتدى كان عندي استفسار بعد اذنكم
انا لسة بسمع محاضرات د / اسامة للتعليم وفاتح حساب ديمو على XM.com
النهاردة على شارت اليورو دولار وعلى فريم الساعة
بصيت عليها شوية ولقيت نموذج شمعات تصاعدي وبعده جت شمعة شوتنج ستار ، انتظرت اشوف اللي بعدها هتيجي ايه عشان تأكد الاتجاه ولقيتها فعلا شمعة هابطة ، فقمت بعملية بيع وعملت ستوب لوز ، و عملت تيك بروفيت عند 1.0919 وخرجت عشان كان عندي شغل وبعد ساعة فتحت ولقيت ان الشمعة وصلت لسعر 1.0917 ومفقلتش العملية ، بالعكس اللي حصل ان المشترين دخلوا بكثافة وقلبوا الشمعة خلوها تصاعدية والعملية قفلت لما وصلت للستوب لوز
اللي انا مش فاهمه ليه العملية موقفتش عند نقطة التيك بروفيت ، هو الحمد لله ان حسابي ديمو ، واللي حصل كان لعب ، بس لو كان حسابي حقيقي دي حاجة تزعلني جدا
فهل حد عنده اي تفسير للي حصل ده وشكرا