بس الله هبدأ الشرح وسامحونى لو الشرح مش مفهوم اوى
انا هحاول على قد مااقدر بس لان الشرح كتابه مش فيدويو فوالله صعب جامد
ويشهد الله ان كل اللى اعرفه هقوله
=========
هشرح اول حاجه rsi لما يبقا فوق السبعين وتحت التلاتين
rsi
كل الناس او اغلبهم فاهيمن ان مؤشر rsi لما يكون فوق السبعين نبدأ نفكر فى البيع
ودا خطأ المؤشر لما يكون فوق السبعين معناه ان لسه فيه قوه شرائيه
فنكمل شراء
نبتدى نفكر فى البيع اول مالمءشر ينزل تحت السبعين
بس اهم حاجه يكون المؤشر جاى من مستويات دنيا
بمعنى
انه يكون فيه موجه صعوديه قبل الهبوط اللى هيحصل
كما فى الصوره
الشارت اللى قدامكم دا بيقولك ان كان فيه موجه صعوديه حصلت ومؤشر rsi طلع فوق السبعين
معنى كدا اننا لايمكن نفكر فى البيع الا اذا نزل المؤشر تحت السبعين
وفعلا نزل المؤشر تحت السبعين مع الشمعه اللى عليها الخط المنقط الازرق العمودى
فى الوقت دا نلغى فكرة الشراء ونفكر فى البيع
=============
طيب بالنسبه للبيع
عكس الشراء تماما
ان يكون فيه موجه هبوطيه حصلت والمؤشر نزل تحت الثلاثين
اول مالمؤشر يصعد فوق الثلاثين نفكر فى الشراء
كما فى الشارت
الشارت اللى قدامكم دا بيقولك ان كان فيه موجه هبوطيه حصلت ومؤشر rsi نزل تحت الثلاثين
معنى كدا اننا لايمكن نفكر فى البيع الا اذا نزل المؤشر تحت الثلاثين
وفعلا نزل المؤشر تحت الثلاثين مع الشمعه اللى عليها الخط المنقط الازرق العمودى
فى الوقت دا نلغى فكرة البيع ونفكر فى الشراء
=============
لحد الان اتمنى الشرح يكون مفهوم
يتبع