هل تعلم أن الكهرباء متقطعتش عن اي بيت او شارع او حتي عمود كهرباء و لو حتي لمدة دقيقة في ألمانيا من 32 سنة؟!!
مش بس كده ده الحكومة الألمانية يوم الاحد 8 مايو كان عندها فائض كبير في الطاقة المتجددة .. و ده خلاها تخصم الاستهلاك بتاع الشعب من فواتيرهم .. بحيث انك كل ما تستخدم الكهرباء اكتر .. فاتورتك تقل لغاية ما تتصفر و الحكومة بعد كده تدفعلك فلوس علي استخدامك ده و فاتورتك تبقي بالسالب!
ده ببساطة لإن ألمانيا و الدول الأوروبية بتعتمد إعتماد كامل علي الطاقة الشمسية مع إن الشمس عندهم مش زيينا يبتطلع طول السنة بل بتقعد بالشهور غايبة ! و مع ذلك إعتمادهم الكلي علي الطاقة الشمسية ( سواء بيوت او مصانع او شوارع او حتي قطارات ) .. القطارات في أوروبا بقي إعتمادها الكلي علي الطاقة الشمسية ! و الغريب إن ألمانيا بقت تصدر كهرباء لدول مجاورة !
الأغرب من ده كله إن مفيش حاجة إسمها وزارة الكهرباء في ألمانيا .. هناك الوزارة بيسموها وزارة الطاقة 
.. يعني معندهمش وزارة كهرباء و عندهم كهرباء و إحنا عندنا وزارة كهرباء و مفيش كهرباء
تخيلوا لو إستغلينا الشمس اللي عندنا كل يوم ديه في توليد الطاقة الشمسية .. و حطينا ألواح طاقة شمسية علي جوانب الطرق السريعة زي ما اوروبا بتعمل .. ممكن ساعتها نصدر كهرباء للعالم كله و نبقي أسياد العالم في مجال الطاقة