ارمى الاخبار ورا ظهرك اللى بيحرك السوق مش الاخبار الاخبار بتكمل اللى بيعمله صناع السوق .... يوم الاستفتاء ممكن يكون يوم خاص لكن انا مش بستخدم اى اداه من ادوات التحليل لتوقع اتجاه عملة وانا رايى ان مفيش اداة تقدر تساعدك على التنبؤ بالمستقبل ابدا .... علم البورصة من العلوم الغيبية وعلم الغيب عند ربنا وانا هنا مش بحاول اتوقع الغيب لكن اللى بعمله انى بحاول قراءة الشارت بناءا على سلوك السعر وكمية اوردرات البيع او الشراء اللى فى السوق والاقوى منها بمشى معاها ... يعنى تقدر تقول كده ان الاستراتيجية استراتيجية مراقبة مش تحليل .... وده اللى المفروض يعمله اى مضارب لان مفيش اى اداة فى العالم هاتخليك تتوقع الغيب .... فيه اساليب وطرق تحليل كثير اعتمدت على مجموعة من المبادىء تقدر تمكنها من التنبؤ بالغيب ورايى الشخصى ان ده غلط لازم اتعامل مع البورصة على انها مجموعة بيانات وسلوك وتحركات مهمتى اراقب التحركات دى وامشى معاها مش اعمل ترند ويا اما يحترمه السعر او لا او ارقم موجات واقول يبقى الموجة اللى جاية هاتبقى كذا ... مع احترامى لكل مدارس التحليل اللى اتعلمتها طول الخمس سنين اللى فاتت لكن هو ده السبب ان نسبة نجاح المضارب المحترف بتوصل 60% ( غير مقبول )