صدق اللي قال
الام مدرســة...
معجم الامهــات السريع .. لاطفال خاليه من الكلاكيـع :
*اهتمى بتدفئـة طفلك .. بس اوعى خوفــك عليه م البرد يخليكى ترفعيـله البنطلـون لغاية صدره .... لو اتعود علي الاستايل ده هيلزق فيه .. ارحمينــــا
* وهو صغير بلاش تحكيله عن العـو و أمنا الغولة و أبو رجل مسلوخـة .. هيكبر هيتوهــم ان حواليه مؤامرات من أهل الشر .... هيطلع عينينــا
* لما العيال يضربوه وهو صغير .. ابووووس ايدك خليه يرد لهم الضربة .. بلاش يستنى لما يكبر ويضربهم .. لانه وقتها هيبهدل الكل .. وهيطيح فينا
* وانتى بتحفظيه دروسه .. ممكن يبقي عن طريق كتابة الدرس .. بلاش طريقة انه يكرر الجملة تلات مرات .. نفختينـــا
* زى ما هتعلميــه انه ميبصش للى ف ايد الناس .. الاهـم تربيه ان العــدل هو الأساس .. ميظلمش .. ميكدبش .... عشان يكبـر يتقى ربنا فينــا
* اخيرا .. خلى بالك من مخارج الحــروف .. فى فرق بين الصــاد والسيـن .. إوعى تتكى على السيييين .... إتهرينـــا
منقول وذو دلالات واضحة.