المشاركة الأصلية كتبت بواسطة MIDO_17 خير يا دكتور انا معاك مفيش مشكلة وافكارك دايما بتبقى روعة ومتقلقش حتى لو طلعت فشنك يكفى المحاولة ---------------------- وبدل ما يضحكوا عليك لوحدك يضحكوا علينا احنا الاتنين تمام كده لقيت حد معايا يشيل الليلة الفكرة يا باشا و ما فيها طالما اننا نبحث عن شموع نسبية اذن هذه الشمعة النسبية التى تكونت على الساعة اكيد عشان تتكون تكون قبلها شموع نسبية اخرى على فريمات اصغر لتكون الشمعة النسبية الكبرى, طيب لماذا لا نبحث عن الفريمات الاصغر و نفتش فيها فقد يكون هناك خيرا اكبر بكثير من ان ننتظر شمعة واحدة طوال اليوم, قعدت امسك الشارت و فليته و تخيل لقيت حاجة ممتازة كبداية و هى شمعة الدقيقة. طبعا شموع الدقيقة تخدع كثيرا و لكن النسبيات على الدقيقة يكون لها فعل السحر و ايضا تذهب لهدفها بسرعة, قعدت ارجع بالشارتات لوراء و اشوف الشموع الممتلئة و كام حجمها و لقيت فى عامل فلتر عالى فى حجم الشمعة و هو الرقم 9. لا يوجد لدى اى تفسير لماذا 9 يمكن عشان احنا بنسعى فى الخير مثلا و لكن وجدت ان شموع الدقيقة النسبية التى تحمل اجساما قيمتها 9 نقاط تعطى نتائج جيدة لو فكرت معايا و قدرنا اننا نوصل لحاجة كويسة فمثلا التارجت حيكون مساوى للستوب يعنى التارجت بيكون 10 نقاط و الستوب كسر لو الشمعة بنقطتين ده حيفيد ان التارجت سريع و الستوب كمان سريع كمان ممكن الشمعة الواحدة النسبية التى تنتظرها على الساعة حتكون جابت لها 3 او 4 تارجت و هى بتتكون و بعد كده تخش عليها نسبيتنا العادية, كان عندى اكسبيرت عمله المهندس نادر فيليب على النسبية و ساجربه على فريم الدقيقة و العدد 9 نقاط اعتقد انه حيدخل كتير دخولات مناسبة و اهداف طيبة و اى شمعة نسبية عقبال ما تتكون حنكون استكفينا باللى اخدنا منها قبل ما تتكون., ما رأيك نكمل فى البحث فى العمق ولا انت عندك افكار اخرى. فى انتظار مناقشتك بينى و بينك عشان محدش يضحك علينا تحياتى يا ميدو..