تمام يا أمير باشا
تابعت الفيديوهات حتى الفيديو اللي إتكلمت فيه عن الفوليوم تابعته و لاحظت إنك ما ذكرت نماذج الفوليوم
إنت بسطت موضوع الفوليوم أوي و إعتمدت على شكل الصعود و الهبوط ...
المهم :
في التجميع و التصريف أنا عارف أن بيحصل تجميع و تصريف و أعتقد معظم الناس اللي ليها فترة في الفوركس
عارفة يعني أية تجميع و تصريف خاصة الناس اللي بتعتمد على العرض و الطلب و الفوليوم في الدخول و الخروج
المشكلة إنك بردوا لم تذكر كيفية معرفة إنتهاء مرحلة التجميع و التصريف بجانب إزاي أعرف أن أنا داخل على مرحلة تجميع
أو تصريف ... أنا عارف السوق كله تكهنات بس حتى التكهنات بتبقى مبنية على أسس , أنت لم تذكر هذه الأسس !!
إحنا محتاجين نعرف الأسس دي اللي عليها بنبني توقعاتنا .
الفيديو بتاع في حالة الترند الصاعد الفيديو كان عن ترند هابط أصلاً على الذهب ...
أنت شرحت فيه الطريقة تقريباً وهو اغلاق شمعة فوق الموفينج على اليومي و إنك أشتريت من قاع الترند الهابط
و الدخول بيكون من الأربع ساعات و إستخدام الأدوات العادية الكلاسيكية من ترندات و دعوم و هكذا ...
بردوا طريقتك أنا حاسس فيها شيء مخفي أو ناقص أنت مش قولته أو نسيت تقوله ...
طريقتك نفسها في تحديد المناطق اللي السعر أنت مستنية يرتد منه بتحددها أزاي , أزاي بتعرف مثلاً هايرتد من النقطة كذا
مثلاً الباوند دولار , أنت مستني تقريباً يوصل لـ 1.4700 , طيب لية المستوى دة بالذات ؟ و لية متوقعله الصعود دلوقت
لية مثلاً مش متوقعله الهبوط أكثر و يزور مثلاً المستوى 1.40700 أو ينزل و يزور المستوى 1.38300 مرة أخرى !!!
و لية حددت مستوى معين قولت السعر لو وصله هايكسره بشمعة قوية و الصعود هايبقى قوي !!
دي أهم نقطة في الإستراتيجية كلها و في الموضوع كله أزاي تحدد المناطق دي .
الشمعة بتاعت أول أمبارح على الباوند دولار كانت في ترند هابط و كسر الموفينج بشمعة هابطة قوية
و رغم كدة السعر عكس علطول أول ما زار المستوى 1.40800 و حتى الهبوط على الأربع ساعات كان بشموع صغيرة
مايوحيش بالدخول مافيش أي حاجة تقولي أدخل و الشمعة الوحيدة اللي جسمها كان كويس و إغلاقها قرب اللو و أسفل المستوى 1.40800
و الفوليوم بتاعها كويس بعدها علطول جت شمعة قفلت فوق المستوى و بدأ الصعود بتاع الباوند !!!!!!!!!!!!!!!!!!!!!!!!!!!!!!!!!!!!!!!!!
أنا مش هاضحك عليك أنا شغال بإستراتيجية كويس و الحمد لله شغال بيها كويس أوي بس بردوا ناقصني حاجات عايز أعرفها
زي ما ذكرت ليك .... الحاجات اللي بيها أقدر أحدد المستويات القوية بدون عرض أو طلب + أعرف أمتى هايبدأ التجميع أو التصريف .
و شكراً يا باشا و أسف على الإزعاج .