نادر ياريت تكون معايا في نقطة معينة هسألك فيها وتتقبل كلامي الطويل لأنك هتعرف في النهاية كلامي الطويل ده كان ليه في الأساس
اولا : تحية كبيرة ليك لأنك استاذي ولأني لقيت ضالتي في الفوركس من خلال الورش الثلاثة في المنتدي
ثانيا : خلينا نكون واقعيين شوية لأني هوريك صورة دلوقت تبينلك اد ايه انا فعلا مضايق وعايز اشوف حل للمشكلة ديه وهيا مشكلة الستوب لوز سواء اغلاقات او خسارة
بأختصار : امبارح كان يوم صعب علينا كلنا وانا دايما بشتغل بأدارة راس مال والله يا نادر بس لازم تفهمني ازاي اعرف اشتغل بالستوب لوز سواء رقمي او اغلاقات
امبارح انا اعتمدت استوب لوز الأغلاقات وخسرت كتير امبارح تقريبا بما يعادل ارباح الورش التلاتة في اسبوعين
ولو اعتمدت علي استوب رقمي هخسر وفي الأخر زي منتا بتقول السعر هيطلع يضرب الستوب بذيل وينزل تاني
طب ايه العمل ؟
وعشان اثبتلك كلامي ده بالدليل بص علي الصورة ديه
ديه مجموعة لخسائر الأسترالي كندي والدولار كندي كسر ترندين
وستر ربنا ان الأسترالي دولار قفلته علي نقطة الدخول كنت هخسر اكتر واكتر كمان
ياريت تعرف يا نادر اني والله ما بعيب فيك انتا استاذي وانا مكسبتش مع حد زي ما كسبت بشغلك وبفضل ربنا
بس لو فضلنا كدا ف اللي هكسبه في عشر اسابيع هخسره في اسبوعين
فياريت تفيدني انا صدقني تايه ولو فضلت كدا مش هتقدم واللي هكسبه هخسره وهخسر جزء من راس المال زي ما حصل امبارح ؟
اسف اني طولت عليك بس انتا اخويا وبحب اسمع رأيك واستفيد منك لأنك مثلي الأعلي . وشكرا .