طيب خلينا نشوف نتيجة تعب برنس البرانيس نادر ابو بشار معايا ونتيجة الأسئلة الكتير بتاعتي العملة : الكندي فرانك الفريم : اليومي الصفقة ديه كانت مميزة من كذا ناحية وشوفتها بالصدفة البحتة كان هناك مقاومة اولي عند سعر 0.6965 السعر الصبح كان استقطع حوالي 90 % من الرينغ الخاص بيه بالأضافة ان الأتجاه طبعا كان هابط وبأضافة الأضافة الكندي كان متنيل بستين نيلة وده كان بيدعم نظرية الهبوط اكتر واكتر من المقاومة ديه المقاومة كانت مع انها اولية ( يعني اول مقاومة ) الا انها كانت كانت مقاومة مميزة ارتكازين دعم سابقين دخلت الصفقة وتوكلت علي الله واجابات الأسئلة الكتير اللي خدتها من نادر ونمت لأن كان عندي شغل بالليل وصحيت لقيتهم ضربوا هدف صراحة اعتمدت في اهداف الصفقات ع اجمالي اهداف 60 نقطة فقط لسببين هقولهم يمكن حد يستفيد مني : اول حاجة الزوج حركتة بطيئة نسبيا مش زي عملات الباوند مثلا فمعتقدش انه يجيب 70 نقطة وفضلت اني اخده ب 60 فقط والسبب الثاني : لأن الزوج السبريد بتاعه عالي جدا بما يقارب 7.5 نقطة من ساعة ازمة الفرانك السنة اللي فاتت جزاك الله خير يا نادر وربنا يقدرك ويكرمك ع اد تعبك معانا وده الأخضر يا بهوات