أهلاً يا غالي
أنت بتقول إتعلمت الفوركس و باقي تحترفه
موضوع الإحتراف مش سهل و صدقني في فرق كبير بين إنك إتعلمت الفوركس فعلاً
و بين إنك عرفت الأساسيات ... لازم التدريب على التجريبي , لازم تتعلم كويس و تراقب حركة الأسعار كويس
و لفترة لا تقل عن 3 إلى 6 شهور علشان تبقى فهمت فعلاً حركة السوق و طبقت اللي إتعلمته كمان .
إتعلم الأساسيات و إتقنها بشكل كويس جداً لدرجة إنك تبقى محترف فيها
من وجهة نظري أهم الأساسيات دي الدعوم و المقاومات + الشموع + الترندات و القنوات و الأعلام
دول أهم و أقوى الأساسيات اللي لازم تعرفها في الأول و تتقنها 100 % و الموضوع مش سهل زي ما إنت متخيل .
بلاش تشوش نفسك في الأول بعد ما تخلص دول ممكن تطور نفسك بتعلم أشياء أخرى تساعدك
زي العرض و الطلب و الفوليوم و ممكن تضيف مؤشرات مساعدة زي الموفينجات و التشبعات كعامل مساعد لا أكثر .
أبني إستراتيجيتك بنفسك و دة هاتعرف تعمله مع التدريب .
خليك فاكر : المؤشرات بأي حال من الأحوال ما هي إلا عامل مساعد فقط ولا تعتمد عليها إعتماد كلي في الدخول و الخروج .
ربنا معاك و بالتوفيق 