السلام عليكم
هذه قصة حياتى مع الفوركس
كنت ابحث كثيرا عن الربح من خلال الانترنت وبالصدفة وجدت اعلان للفوركس وكالعادة سجلت فى الشركة واتصل بيا شخص وقاللى حنعلمك تشتغل ازاى خطوة بخطوة وفعلا صدقته وقاللى ممكن تبتدى بمبلغ صغير وكان كل الكلام ده من خلال اتصالاته المتكررة وشرحلى الطريقة اللى احول بيها الاموال للشركة وفعلا كان المبلغ 100$ وبعد ما بقى المبلغ فى حسابى كلمنى وقاللى افتح صفقة ازاى وفعلا فتحت صفقة بـ 10 سنت وقاللى لما تكون باللون الاخضر يبقى انت كسبان وطبعا سبت الصفقة وقفلتها بعد كدا على ربح 40 سنت وبعدين جربت افتح صفقة تانية بس للاسف كنت معرفش حاجة فى الفوركس وفتحت الصفقة من غير ما اغير حجم العقد متهيألى كان الحجم 10 دولار ههههههه
وفتحت الصفقة من هنا وثوانى الحساب بقى صفر ومن يومها الراجل ده مكلمنيش تانى هههههههه
بعدين فضلت ابحث فى المواقع والمنتديات عن الشرح لحد ما وصلت هنا لشرح الدكتور أسامة ربنا يجازيه كل خير واتعلمت الفوركس ولسه بتعلم وفتحت حسابين فى شركة fxdd ومرجنتهم بس قبل ما امرجنهم كنت سحبت منهم
ولكن اكتر شئ بحبه فى الفوركس المسابقات لانها بتنمى روح التنافس علشان كدا انا موجود فى كل مسابقات الفوركس اللى فى العالم والحمد لله بربح فى المسابقات دى بنسبة 25 % من عدد المسابقات اللى بشارك فيها
وبعمل فلوس احسن ما ادفع من جيبى وجربت شركات كتيييييييييييييير وكل الشركات حتلاقى فيها مميزات وعيوب مش حتلاقى شركة كاملة ابدا وعلى فكرة فى شركة واحدة بس حظى سئ فى مسابقاتها ونفسي اجربها لانها اكتر شركة بتعمل مسابقات ومالية الانترنت اعلانات هى شركة FBS
وتقبلوا تحياتى