الله ينور عليك اخ عبد القادر وفرت عليا شرح الاستراتيجية
خلينا بقى ندخل في المهم على طول ......
انا عايز الاكسبرت بالاعدادات الاتية ......
اولا احنا عندنا 3 مؤشرات ماكد بالاعدادات التالية
(13,15,3) ,
(13,50,3) ,
(13,200,3)
وعندنا 3 مؤشرات pipsfxgainer تحت الماكد بالاعدادات الاتية
pipsfxgainer10
pipsfxgainer15
pipsfxgainer21
لما يبقى كله باللون الاخضر يشتري ولما يبقى باللون الاحمر يبيع
زي كده .......
كما هو موضح في الصورة لازما يفتح شراء لما كله يبقى اخضر او بيع لو كله احمر
ملحوظة : لو افترضنا ان احنا شغلنا الاكسبرت الساعة 7 صباحا وظاهرة لينا اشارة شراء يعني كل الالوان خضراء ما يفتحش شراء بل ينتظر توافر شروط البيع ويبدأ بالعمل والعكس ايضا
ثانيا : هندخل المضاعفات في الاكسبرت بمعنى
لو الاكسبرت فتح صفقة شراء بناءا على توافر شروط الشراء في الاستراتيجية وبعدين ظهرت لينا اشارة بيع يعني كل الالوان حمراء هنا في حاجتين .....
الاولى ان لو صفقة الشراء جايبة اي مكسب او على صفر نقطة يلغي الشراء خالص ويفتح بيع بنفس اللوت اللي تم ادخاله في اعدادات الاكسبرت قبل تشغيله
اما الحالة الثانية لو صفقة الشراء جايبة اي خسارة وظهرت اشارة بيع يفتح بلوت مضاعف عن اللوت السابق
نظام المضاعفات كالتالي ,,,,, 1.2.3.6.12.24 الخ
طيب لو افترضنا ان احنا عندنا 5 اوردرات على زوج واحد وليكن اليورو دولار وليكن الاوردر الاخير بيع ثم ظهرت اشارة شراء يعني كل الالوان خضراء هنا الاكسبرت يعمل حاجه من الاتنين
لو مجموع الصفقات المفتوحة على زوج اليورو دولار جايبة اي ربح يقفل كل الصفقات ويفتح من اول وجديد باللوت الاساسي
اما لو جايبة اي خسارة يكمل في مضاعفاته عادي وهكذا لو عندنا اوردرين او تلاته او اربعه الخ يحسب مجموع المكسب او الخسارة قبل ما يفتح اوردرات جديد
ثالثا كل اوردر يتفتح يتم عمل اوردر معلق عكس الصفقة على بعد 30 نقطة بلوت مضاعف يعني يشتغل بالمضاعفات بتاعتنا عادي اللي ذكرتها فوق
هنا لو الاوردر المعلق مثلا buy stop واخر صفقة اتفتحت بيع طبعا لو ظهرت اشارة الشراء بدري قبل ما يوصل للاوردر المعلق يتم الغاء الاوردر المعلق ويفتح شراء مباشر ثم يفتح بدلا منه بيع معلق على بعد 30 نقطة بلوت مضاعف وهكذا .....
وطبعا العمليات دي هتتم مع توافقها مع الشروط اللي ذكرتها في بند (أولا وثانيا)
وايضا يتم اتاحة الاختيار في اوبشن step
الفريم اللي هنشتغل عليه فريم الربع ساعة ولكن يفضل ان يعمل الاكسبرت على كل الفريمات بنفس الشروط المذكورة
ملحوظة مهمه نسيت اذكرها
لو احنا عندنا buy stop وجه خبر راح مطير العملة لفوق وفعل الاوردر المعلق قبل ظهور اشارة الشراء في الاكسبرت وبعدين ظهرت اشارة الشراء ما يفتحش شراء تاني بل ينتظر اشارة البيع وهكذا
ياريت كمان لو فيه امكانية تضيف خاصية غلق جميع الاوردرات المفتوحة على الزوج الواحد بضغطة زر واحدة
علشان لو حبيت اغلق اوردرات يدوي وزي ما قولت الزوج الواحد فقط مش كل الازواج
الهدف طبعا ظهور اشارة عكس الاتجاه ولازما مجموع الصفقات ربح مش خسارة غير كده يدخل في المضاعفات ومفيش استوب
بس مفيش مشكلة لو الهدف والاستوب اتحطوا في اوبشن الاكسبرت عادي
حاجة تاني ان الاكسبرت يكون فيه خيار للحد الاقصى من المضاعفات يعني عايزه مثلا ما يضاعفش تاني بعد المضاعفة رقم 4 او 3 او 5 ويفتح الاوامر المعلقة الباقية على المضاعفة الاخيرة ثابته وهكذا
يتبع ...............