المشاركة الأصلية كتبت بواسطة eragon93 ناس كتير عايزين يتاجرو في الفوركس والعياز بالله علشان كده النهردا هقولكم علي دليل ايراجون للمقبلين علي الزواج قصدي علي الفوركس نبداء بالمبتدائين , دليل المبتدائين بيتلخص في 4 كلمات بلاش تتاجرو بفلوس حقيقيه (لانك هتخسرهم كلهم حتي لو اودعت مبلغ بقيمة ثروة الوليد بن طلال ) لو خلاص مش قادر تمسك نفسك وعايز تتاجر بفلوس حقيقية يبقي اولا كده متفتحش حساب مع البروكرات اللي حاطه بنرات صور" لقد ربحت 562 دولار في ساعتين " او" احصل علي بونص يصل الي 200% ورافعه 1:2000" ( دي كلها مغريات , اهم شيء في بروكرات الفوركس سلامة اموالك شوف التراخيص والقوانين بتاعت البروكر الاول ) لو صديقك قالك البروكر "كذا" نصاب من غير اي دليل الغيه من الاصدقاء علي طول مرحلة المتاجره من البدايه كده لو مش بتحط ستوب لوز , معلش ابداء اتعلم تحط ستوب لوز بلاش غباوه ده لنفسك لازم تتحكم في سلوكك اتجاه الخساره والطمع والتسرع والصبر لما تلاقي واحد بيبيع مؤشر او اكسبرت او نظام متاجره , اعرف ان نظامه فاشل من قبل ما تشتريه لو فعلا نظامه ناجح كان نفع نفسه قبل ما يفكر يبيعه مفيش حاجه اسمها فك شفرة الفوركس و نسبة الارباح الطبيعيه 10% شهريا وليس 100% طبعا في حجات تاني كتير لو فضلت اكتب عنها الموضوع مش هيخلص اهلا بك اخى eragon93 كلام فالصميم وبالذات موضوع البانرات التشويقية "لقد ربح عبدالله 500 دولار فى ساعتين" و "لقد ذهبت نرمين الى التسوق" كلها عناوين تشويقية لا اكثر وايضا هناك شركات تغرى العميل بالبونص الضخم و اوقات يصل الى 100% و ممكن يعطوك مدير حساب لمتابعنك كلها امور تسويقية هدفها الايقاع بالعميل و امواله و اول ما يتم الايداع تجد نفسك وحيدا و تحاول تطلب سحب محدش يرد عليك الله يكفينا شرهم اشكرك على الطرح الرائع اخى eragon93 و احلى لايك