المشاركة الأصلية كتبت بواسطة Tarek adel انا هقول حاجه قد تصدم ناس كتيره, انا لغايه دلوقت مكسبتش من الفوركس رغم انى بدات من اكثر من 3 سنوات, البداية كانت من هنا في ارابيا..الحقيقة المنتدى حمانى من المارجن كول..يعنى حتى الان مش عارف شكله ايه المارجن كول رغم انى خسرت صفقات كتير جدا لكن بسبب انى بدخل بعقد صغير وبستوب فالحساب بينقص ببطء الحقيقة مش عارف ايه سبب النتائج السلبية ,بقيت كتير بخسر ومش عارف خسرت ليه وايه الضعف اللى كان في الصفقة بس انا فيا 3 عيوب: 1-بطمع اوى فى السوينجات ..كتير بدخل بهدف 300 نقطة مثلا ويتحقق منهم 100 ف اول يوم وبعدين تعكس عليا..وبصراحه مش قادر امنع نفسى عن العيب ده,مبقدرش اشوف لو او هاى تاريخى بيتكسى وادخل بهدف 50 نقطه. 2-في عندى مشكله في عامل الحظ صحيح..اغلب صفقاتى يا اما يضرب الستوب بالظبط وبعدها يحقق التارجت..يا اما قبل التارجت بنقطه يعكس ويضربلى ستوب..وفى صفقات كتير بدخلها وبلاقى عمالقه كتير نوهوا عنها وكلنا خسرناها بدون سبب فنى واضح وطبعا الأسباب الأساسية"الاخباريه" مليانه فتى كتير عشان تبرر الانعكاس الغير مفهوم بس انا بعتقد دايما انه اسهل شيء تحليل الحدث بعد وقوعه,انما صعب جدا تحلل قبل وقوعه. 3-ودى مشكله خارجه ن ارادتى ..برجع البيت على الساعه 5 بيكون السوق نام وبشوف فرص كان زى اللوز راحت عليا او صفقات مفتوحه كان لازم اقفلها لكن بسبب عدم تواجدى استمرت وضربت ستوبات. --- مش لاقى موقف محدد احكيه يمكن موقف مكرر طبعا مع كتير منكم حصل معايا في بداية تجاربى الفوركسيه على الحقيقى اول شهر تداول كانت الدنيا ماشية معايا حلو وبكسب صفقات كتير..وكان حظى حلو اوى على زوج الدولار كندى..كان وقتها "عام 2011"كان الزوج هابط دايما فانت بيع وربنا هيكرمك..المهم استنيت ابتدى يصعد شوية وحصل تشبع شرائى والسعر تحت مقاومة..قلت بس المره دى هضرب ضربتى وهنعوم على وش الفتة عملت صفقة بيع بلوت عالى وبدون ستوب..قلت هينزل يعنى هينزل وكنا ايامها ف رمضان طبعا انتوا عارفين اللى حصل شمعة صاعده ليموزين هائلة..كل المقاومات اتكسرت والخسارة أصبحت فادحه واضطريت اقفل بخساره فوق ال 200 نقطه كأقسى خساره ليا حتى الان في صفقة واحده اتنكدت اخر نكد وعاوز اقولكوا من يومها وحتى الان والكندى في ترند صاعد خسرت خسارة جامده عقدتنى من الزوج ده وكل مره اشوف عليه صفقة حلوه اضعف وادخلها..اخسر لدرجه انى بقالى سنتين مانع نفسى انى انزل الشارت بتاعه ع الميتاتريدر بس الحمد لله لسه كسبان من الزوج ده سوينج حلو من حوالى أسبوعين في صفقة كنت نوهت عنها هنا وابتديت افك النحس قصة جميلة اخى Tarek adel لكن لا تنس انه النجاح يبدأ من الحفاظ على الحساب اولا ومن ثم الارباح تأتى بوقتها وطبعا لا تنس انه وضع الاستوب يجب ان يكون قبل وضع الهدف الله يوفقك يارب