أولا يا سلام عليك يا استاذ الله يكرمك ويرزقك من واسع فضله
معليش استحملني شوية بس انا احب اني اؤكد اني فاهم صح عشان ما اتخلبط وتعبك يروح بلاش 
معليش بحتاج رد واحد زيادة كمان وباكون فهمت المسالة باذن الله ومعليش استحملني باضرب مثال وان شاء الله ما بيكون خايب ,,
لنفرض اننا على فريم الديلي (وكان الدعم اللي باشتري منه 1.5111 وكانت الساعة 2 الظهر )وعملت امر الشراء على امل انه بيطلع فوق الن في احتمالين اما يركب الموجة واقفل ربحان واما يوقع تحت وتجي مرحلة الستوب لوز.
اللي فهمته انه في الاستوب لوز (بطريقة الاغلاقات) حاجلس انتظر الى اغلاق شمعة اليوم وافتتاح شمعة يوم اخر ان فتح السوق شمعة تحت نقطة الدعم اللي هي 1.5111 باقفل الصفقة وتعتبر هي الستوب لوز , واذا كان الافتتاح ما وصل لها وما حقق الربح بانتظر الين احقق الهدف.
ان كان فهمي من الاغلاقات مثل اللي قلته فوق صحيح ,, فاتوقع لازم اما يكون الحساب يستحمل النزول وفق الرينج اليومي بالنقاط ان كان العقد ستاندر او اشتغل على عقود صغيرة يستحملها حسابي ان كان صغير.
بالنسبة للنسبة 1:1 ممتازة وتعبر خيار ممتاز بس برضه بحب احاول اجرب الطريقتين لانه بجد اطريقة الاغلاقات من شرحك حسيت انها عملية جدا
برضه بناخذ مثال للقاب ,ولنقل القاب الهابط

اللي فهمته من الرسم ان القاب الهابط لا بد ما يرتفع السعر ويوصله ,, طيب بعدها هل لازم يستمر بالصعود لفترة او بمجرد ما بيقفل القاب نتبع بنود الاستراتيجية من تحديد اتجاه ونقاط دعم ومقاومة وفايبو ,, الخ ويزول الخطر
برضه من كذا افهم ان القاب غالبا ما يكون فرصة للدخول بصفقة قريبة منه لانه بيقفل ونستفيد منها كم نقطة
حلووو جدا يعي بانظر بالشارت لفتح واغلاق شمعة الديلي خلال الفترة المقترحة 3-4 شهور وباعرف بعدها الرينج اليومي ,, طيب بحكم خبرتك
1/ لازم تكون خلال المدة اللي تفضلت بيها والا شهر مثلا كفاية لرينج الديلي و 15 يوم لاربع ساعات مثل ما تفضل انها الفترة المناسبة لتحديد الاتجاه بمشاركاتك السابقة
2/ لازم كل مرة تقريبا احتاج اعمل حسبة لرينج الزوج عشان باعرف اذا اختلف والا لا؟
3/ في اكثر من عضو ادرجوا مؤشرات تقيس الرينج وحاليا ضايفهم عندي بالشارت بس فيهم اختلاف عن بعض فهل هي عملية والا الحساب التقريبي افضل وباذكر برضه في لك مشاركة بتقول بتعملوا مؤشر حلو وعملي يقيس الرينج اليومي حسب احتايج الاستراتيجية فيا ريت يكون قريب
مثال 1

مثال 2

معليش غلبتك معاي واستحملني حبتين