طريقة رسم المنطقة بتختلف من منطقة لأخرى بجانب بتختلف من شخص لأخر ...
الرسم بالفعل بيكون من عند منطقة أنطلق السعر من عندها بشكل جيد
أو إرتد السعر فور الوصول لها و عكس الإتجاه .
رسم الشمعة نفسها بيختلف لو شمعة كبيرة مثلاً و لهذا ذيل كبير بناخد الذيل
لو ليس لها ذيل بننظر للشمعة اللي قبلها و بنشوف حجمها و بنرسم على أساسها .
خد الاجسام الصغيرة بالكامل حتى لو لها ذيل .
حجم المنطقة نفسه بيختلف على الفريمات , يعني مثلاً على الأربع ساعات ممكن تلاقي الحجم
من 20 إلى 40 نقطة و 50 كحد اقصى و ربما أكثر و لكن هذا قليل ما تراه أما على فريم الساعة مثلاً
سوف تجده ربما أكثر من ذلك , بس مش دائماً و في الغالب بيكون في حدود 30 إلى 50 أو 60 نقطة ,
أثناء الرسم لازم تراعي عدد الشموع داخل المنطقة لأنها تعتبر مهمة بجانب تراعي عدد مرات أختبار المنطقة
لو أول مرة تبقى كويسة لو ثاني مرة تبقى شغالة لو أكتر من كدة يبقى الأفضل تتركها أو تكون حذر جداً لو دخلت منها .
في كل الحالات لازم تنتظر سلوك سعري عن طريقة تقدر تدخل الصفقة .
مافيش مانع لو تستخدم المؤشرات لتقوية الفرص زي البولينجر و السي سي أي و الإستوكاستك و الأر أس أي .
المنطقة اللي أنت راسمها كويسة و أعتقد أنت ملاحظ إرتداد السعر من عندها و دي بتقولك أنا فرصة دخول
لازم تراعي إتجاه الترند أثناء الدخول , ما تدخلش عكسه إلا لو انت متأكد تماماً من شغلك و شغال على إدارة مالية كويسة
و علشان كدة الأفضل تدخل في إتجاه الترند بعد الحركات التصحيحية , اما في الإتجاه العرضي خليك مع المناطق القوية جداً
و اترك المناطق الضعيفة لأن غالباً السعر هايكلها بسهولة .