اعذرني أخي حسان بس أنا حاسس إن مسابقات شركتكم الكريمة فيها كوسة فيها مجاملات أو ممكن أأقول إن ما فيهاش أصلا مسابقات .
طبعا هتسأل إنت ليه بتقول كده وإيه دليلك ......... ؟؟؟؟؟
هقولك إن كل أما أشترك في مسابقة وأدخل مثلا على صفحة المتسابقين ألاقي الآتي :
1- الترتيب العام يتبدل بسرعة الصاروخ يعني الأول بيكون فارق فرق كبير قوي وبعد كده مش بلاقيه أصلا في 100 الأولانيين
2- بلاقي المراكز الأولى محققة مكسب رهيب في مدة زمنية قصيرة فأحيانا تجد في أقل من يوم وعامل 600 أو 700 نقطة
3- مش معقول إن العرب كلهم أغبياء أو مش بيفهموا في الفوركس ففي منتدانا الجميل أرى أعضاء خرافة في ورشهم ومحققين أرباح هائلة بارك لهم الله فيها وأدام عليهم المكسب والرزق الحلال الطيب فمش معقول هما ما دخلوش ولا مسابقة ومش معقول هما والعرب كلهم يخسروا دايما
فأرجو من حضرتك أن ترد على هذه النقاط وعلى هذا الموضوع وأتمنى مشاركة وتفاعل الجميع في هذا الموضوع
وخاصة أسامة بك مديرنا الكبير حتى نعلم مدى المصداقية ومنقعدش كل أسبوع أو كل اتنين أو كل شهر نسجل وخلاص في مسابقات
وشكرا لسعة الصدر ورحابة المنتدى الغالى لكل الأطروحات
أخوكم ( عماد سعيد حُزَيِّن )