بسم الله الرحمن الرحيم
الفكرة مجنونة وعجبتني خصوصا المنطق الحسابي بتاعها هي قائمة على احتمالات وحسابات مش اكتر لا تحليل فني ولا اساسي
ايه رأيك بقى جنان ب جنان نجرب نلعب شوية في الاحتمالات واسمحلي اتطفل واقترح طريقة ممكن تكون بتدعم نظريتك بنسبة كبيرة
الطريقة كالآتي
نختار 5 ازواج يكون الاسبريد بتاعهم قليل و حركتهم في السوق يوميا اكبر من الهدف بتاعنا ف نضمن تحقيقهم
ونيجي مع افتتاح شمعة اليوم مثلا نحط هيدج صفقة شراء والتانية عكسها بيع مع احترام تارجتنا واستوبنا 1:4 و 10 نقط قصاد 40 حلوة احتمال تحقيقها خلال اليوم منطقية
اصبح عندنا الزوج هيتحرك يا صعود يا هبوط مفيش احتمال تالت لان مفيش زوج من اللي احنا اختارناهم هيتحرك اقل من 40 نقطة في اليوم
نتيجة التجربة على كل زوج اللي هيحصل في الصفقتين اللي فاتحينهم على كل زوج واحدة هتضرب استوب والتانية تارجت بإذن الله
مميزات الطريقة : اننا ممكن نطلع من كل زوج كسبانين في اليوم 30 نقطة وهي الفرق بين التارجت بتاع الكسبانة والاستوب بتاع الخسرانة على نفس الزوج
بحساباتنا يعني 5 صفقات خسرانة يساوي (5*10) = 50$
و5 صفقات تانية كسبانة (5*40) = 200$
صافي اليوم 200-50= 150$ او نقطة بمراعاة إختلاف اللوتات لإن مش كلنا حساباتنا نفس المبلغ
ودي وجهة النظر المتفائلة
عيوب الطريقة : نيجي بقى لوجهة النظر المتشائمة
في حالة التذبذب العالي يعني لا البائعين مسيطرين ولا الشاريين مسيطرين والتذبذب عالي وده اللي احنا داخلين عليه في اخر شهور السنة الربع الاخير اللي احنا فيه ده
ممكن الزوج يعاند ويتذبذب ويضرب الاستوبين قبل ما يكمل في اتجاه اي تارجت بتاعنا يعني يتحرك مثلا 12 نقطة لفوق يضرب استوب البيع وبعدين يرجع يعكس لحد ما يضرب استوب الصفقة الشراء
في الحالة دي هتكون المحصلة 10 صفقات خاسرة لاقدر الله (10*10) = 100$ او نقطة ودي احتماليتها متشائمة اوي ان ال 5 ازواج اللي نختارهم كلهم يلعبو بينا
ولكن يكفي لو في التذبذب زوجين بس ميلعبوش بينا وقتها هنكون حققنا نقطة التعادل اللي حضرتك ذكرتها 8 خسارة واتنين مكسب المحصلة صفر .
إقتراح لحل المشكلة بتاعة ضرب الاستوبين بتوع الهيدج على نفس الزوج :
*** اننا مش شرط نعمل الحوار ده كل يوم على نفس الازواج وممكن نستبدلها بالآتي
اننا نيجي وقت خبر مهم مثلا على الدولار وقتها بنبقى ضامنين ان الزوج هيتحرك مش اقل من 50 نقطة بس مش عارفين في انهي اتجاه
وقتها هنجيب 5 ازواج للدولار ونعمل فيهم نفس الهيدج وييجي الخبر نضمن فيه ان كل زوج هيمشي عل السيناريو بتاع انه يضرب استوب واحدة ويجيب تارجت التانية
وفي الحالة دي احتمالية اننا نحقق ال 150$ او نقطة اصبح ضرورة حتمية بسبب الخبر ودي تعادل 15% من حساب 1000$ اللي احنا ضاربين عليه المثال بتاع حضرتك
انا مجربتش الاستراتيجية هي بس فكرة نورت في دماغي لما قريت موضوعك انا حاليا شغال على الاخبار فقط لاغير
كل اللي بعمله بتوقع الخبر وبدخل بعد الخبر بثواني بركب شمعة الخبر وبحدد الهدف بتاعي بناءا على الإتجاه
لو الخبر مع الاتجاه يبقى تارجت حلو من 70 ل 100 نقطة
ولو الخبر عكس الاتجاه يبقى التارجت من 30 ل 50 نقطة بالكتير
اسف على الإطاله واحلى تحية لتفكيرك الغير تقليدي
معجب بطريقتك قلبا وقالبا