نقطة كمان بخصوص الهدف
طبعا المفروض ان احنا هدفنا ثابت و محدد زي ما شرحنا لكن السوق ديما محتاج مرونة
يعني مثلا انا هدفي 200 بيب لقيت مقاومة قوية بعد 180 بيب ممكن ( ممكن لكن مش لازم ) اخرج عندها او لو فيه اخبار قوية قريب او لو ازلوج طول اوي وواقف باقله كتير عند 80% من الهدف مثلا لو دخول اول عشان ابقي اخدت ربحي ووفرت الدخول في مضاعفات لو السعر عكس
طيب هل ده افضل ولا الخروج عند الهدف الكامل و عدم دمج اي طرق تانية معاه؟
و الله انا من تجربتي الشخصية ان بنسبة كبيرة جدا الهدف الكامل بيتحقق لكن في اوقت اطول فالبتالي الخروج قبله بشوية و توفير الوقت ده و الرصيد اللي كان هيتحجز عشان ادخل بيه في صفقات تانية ممكن يكون مجدي خصوصا لو السوق مليان فرص
لكن طبعا يظل الخروج عند الهدف كامل سليم ايضا بل هو الاساس فالطريقة
طيب لو احنا في دخول تاني او تالت هل ممكن نخرج بمرونة برده؟
طبعا مع كل مضاعفة قدرتك علي المرونة بتقل لانك لازم تغطي خسايرك السابقة و تطلع بربح فعشان كدا ممكن مثلا خروجك عند 80% من الهدف معناه ان ربحك الصافي للصفقة هيكون 40 % بس و الباقي ده راح في تغطية الخساير السابقة
طبعا برده حتي لو احنا في مضاعفات نظريا ممكن المرونة برده زي ما شرحنا في الاول و دي بترجع لكل مضارب و تقديره للسوق لكن انا شخصيا كنت بحاول انتظر للهدف كامل عشان فالنهاية يبقي عندي ربح كويس يغطي المخاطرة اللي اتحملتها للصفقة كلها