مرحب بحبيبي أحمد بدر السكره
كلمني عشان نشوف الرصيد كام
عشان مهم موضوع الرصيد
و يارب تكون فاتحة خير ليك يا غاااااالي
مرحب بيك أخي باسم
طبعا يشرفنا ويسعدنا كلنا أنك تتواجد معانا في ألورشه
ألكشف ما شاء الله يشرف بلد
بس انا مش شايف قيمة ألرصيد كام
بالنسبه لسؤالك عن الأكسبرت لو استعمله عدد كبير من الأشخاص لمده بعد كده يبدأ يعمل خساير في ألسوق ؟
هذا كلام غير واقعي بدون أدنى شك
ولكن يجب فعلا تطوير الأعدادات بما يتناسب مع السوق لأن السوق متغير من سنه إلى سنه أخرى
ولكن أكسبرت سمارت بيستخرج ألدعوم و ألمقاومات وأتجاه ألترند ألعام
يعني هو بطبيعته بيحلل ألسوق يوميا
فهذا شئ يطمئن من ناحية الأكسبرت
وأنا أطور يوميا من شغلي في الأكسبرتات لأن ده تخصصي من سنين طويله جدا
وبتابع مع ألناس لو في أي جديد في الأعدادات برفقه على طول
الأكسبرتات الي بتحقق مكاسب خياليه كل شهر إن وجدت فهذه يتم محاربتها من الشركات فيظن البعض ان الأكسبرت اصبح فاشل في حين ان سبب فشله الرئيسي تلاعب الشركات لو وجدوا عميل مشغله واشهرهم في ذلك أكسبرت ألفاب تربو الشهير والميجادرويد كانوا من عمالقة ألسكالبينج وتم ضربهم من الشركات
و طبعا كان في عيب رئيسي في الفاب تربو والميجادرويد وفي رأيي هذا هو أكبر سبب لفشلهم بعد فترة نجاح وهو أن الهدف من 5 نقط الى 10 نقط اقصى شئ والستوب لوز من 40 الى 60 نقطه
طبعا اصبح الستوب لوز اضعاف الهدف فلو تم ضرب استوب لوز في صفقه واحده لازم يربح أصادها اقل شئ 5 صفقات يجيبوا التيك بروفت
طبعا فكر معيوب في التشغيل ومعروف لدى خبراء التداول بالأكسبرتات أو السوق عموما أن مثل هذا الأمر لن يكتب له الأستمراريه .
طيب هل سمارت تربو معصوم من الخطأ ؟ أو معصوم من المارجن كول ؟
أكيد لأ , لأن اي أكسبرت بيشتغل تبريد ومضاعفات أوعى تديلو الأمان ابدا
طيب كل أكسبرتات ألتبريد والمضاعفات خطيره ومعروف أخرها أيه
بسبب أن معظمهم تبريدات بمضاعفات جزافيه وعشوائيه
لكن في سمارت كل ألي عملته بالبلدي كده , أني رشيت عليه شوية سكر
عشان أخفف من خطورة ألتبريد والمضاعفات .
عشان أتاجر معظم ألوقت مع ألترند وليس عكس ألترند
عشان التبريد ما يكونشي عشوائي بقدر الأمكان يكون بسبب مدروس وغير متكرر دائما
عشان أشتغل أطول فتره ممكنه واسحب ارباحي واسحب راس مالي
حتى لو بعد كده حدث شئ لا قدر الله أكون سحبت راس المال وعليه ارباح مثله مره أو مرتين
وأعيد الكره مره أخرى
طبعا في ترندات سنويه كلنا عارفنها بتكون ما بين نهاية سنه قديمه وبداية سنه جديده
هذه الترندات لا تقل عن 1500 نقطه صعود أو هبوط حاد وعنيف وممكن توصل 2500 نقطه رالي او 3500 نقطه رالي مثل ما حدث مثلا على اليوروين نهاية 2012 و بدايه 2013 رالي صاعد 3500 نقطه
وفي نهاية سنة 2013 وبداية سنة 2014 نفس الزوج عمل رالي 1500 نقطه صعود
مثل هذه ألترندات لا يصمد أمامها أي أكسبرت تبريد أو مضاعفات
بس سألت نفسي هل ممكن لو سمارت قابله ترند زي كده مش يمكن يكون فاتح صفقات في اتجاه ألترند ؟ لأنه بيقرأ الترند العام ؟
ويبقى مصلحه جامده وهناخد ارباح ترند محترم صاعد او هابط ؟
طيب وافرض كان ماقفلشي صفقات الترند القديم ودخل على الترند الجديد بصفقات عكس اتجاهه ؟
يبقى هنا في خطوره
سمارت بيتعامل مع الترندات العاديه كويس جدا
لكن عن نفسي هوقفه نهاية كل سنه ابتدائا من او شهر 12 وأبدا اشغله من يوم 15 يناير السنه الجديده
خواتيم السنه كل المتاجرين بيبعدوا عن السوق فيها لأن بيحصل قلة أدب ما تتوصف من صناع السوق في نهاية السنه وتقفيل ألميزانيات ألختاميه بسببها بيحصل لعب في ألسوق محدش فينا يقدر عليه .
فبعتبر الشهرين بتوع أخر ألسنه أجازه بروح أقضيها في راس ألبر أو اي مكان وبيعدوا بسرعه وابقى غيرت جو و حافظت على أرباح السنه كلها وبعد كده بكمل شغل تاني .
انا بشتغل يوميا 12 ساعه عشان حاجتين مهمين جدا عايز اوصلهم وبإذن الله هوصلهم
أولا : اشتغل بالأكسبرت طول السنه بدون أي توقف أو اي خوف من أي ترند خلقه ربنا حتى لو 5000 أو 10000 نقطه
ثانيا : عايز أعمل ربح شهري يتراوح ما بين 30% إلى 50% , والأداء يكون آمن طبعا .
سمارت تربو يقدر يحقق ده بس لسه ما وصلتش للأعدادات ألي تنفذ الأداء ده , وده ألي شغال عليه حاليا .
بالنسبه لسؤالك على سمارت تربو ألنسخه رقم 3 دي ناس طلبوا مني نسخه من سمارت
بغرض تحقيق أقل شئ تدبيله كل شهر حتى لو هتمرجن بعد كده يعني شغل أنتحار
فقلت ما ألمانع أنا كمان بحب ألمكسب السريع وبحب أغامر من وقت للتاني لو برصيد خارج عن أحتياجاتي
وبالفعل تم الأنتهاء منها ودخلت عليها مواصفات وأكواد معقده واضافات كثيره عشان دي هتكون نسخه حرب طاحنه مش شغل عادي .
بس بقول أن مافيش مستحيل أنها تحقق كل شهر تدبيله أو أكثر وتستمر بدون مارجن وهذا ايضا شغال عليه حاليا
وشغال على 5 أكسبرتات غير أكسبرت سمارت يعني ألموضوع زي ما أنت ملاحظ في دمي زي الأدمان كده
وكمان معايا جروب محترم جدا وبيتابعوا معانا ألورشه .
منهم ناس شغالين بسمارت من أعدادات التجربه الأولى بس بدل ستيب عشره شغالين بستيب 5 وعاملين شغل محترم جدا
عموما أنا سعيد جدا بتواجدك وانضمامك للورشه
و هبعتلك ألياهو على الخاص عشان لو حبيت ندردش سوا
وليه ألسكاي بي محجوب عندك أنت مقيم في بلد ايه الي يحجب السكاي بي ؟