ألف شكر ليك
مناطق العرض و الطلب( بطريقة مؤقتة )يحددها المؤشر الموجود فى التمبليت المرفق أوتوماتيكيا ( المستطيلات الحمرا مناطق عرض و الخضرا مناطق طلب)
لكن ده مهما كان مؤشر يعنى مش بيشغل دماغه و بيعتمد الى حد ما على شمعة الابتلاع
لكن الموضوع أكبر من كد لأن هناك عوامل كتيره تحدد قوة المنطقة لمعرفة السعر هيرتد منها ولا هيخترقها .... تحتاج تدريب على رسمها يدوى
و دى أغلى دورات فى تحليل العملات و الاسهم
و هى أسال حركة السعر وليست الاخبار
الاخبار ما هى الا مبرر أو غطاء لقوة الحركة
و الدليل على كده ان فى خبر يحرك العملة 100 نقطة و نفس الخبر فى الشهر التالى ما يحركش السعرة ولا نقطة .... ليه ؟؟؟
لأن البنوك و المؤسسات المالية و حيتان الاسواق بتكون جاطة أورداراتها مثلا شراء .. و بالتالى مهما كان الخبر سلبى هذه الاوردرات الضخمة تمنع الانخفاض و تمتصه فتلاقى الهبوط يتبعه ارتفاع قوى عند ااصدام السعر بمنطقة الطلب
طيب تعرف واضعين أورداراتهم شراء مثلا فين ؟؟؟؟
لما تلاقى منطقة ارتد منها السعر بسرعة و فوليوم عالى شمعات طويلة و ممكن يكسر قمة سابقة
(من الاخر هتلاقى السعر طالع زى الصاروخ عامودى مش طالع بطريقة هادية جدا)
ثانيا لما تلاقى السعر راجع أول مرة للمنطقة دى يبقى أكيد هيرتد منها ... لكن كل ما السعر يزور المنطقة يهد فيها زى اللى بيكسر فى حيطة قوية كل خبطة تضعفها لحد ما تنهار تماما و يحدث الكسر
و دى صورة لطريقة رسم حدود المنطقة >>>>
لو انت لغتك الانجليزية كويسه فى فديوهات هتفيدك جدا ممكن تشوفها على اليوتيوب ( ابحث فى اليوتيوب عن
ALFONSO MORENO SUPPLY AND DEMAND )
و أى استفسار أنا فى الخدمة