السلام عليكم و رحمة الله و بركاته ...
شهادة حق
اليوم هحكي موقف جيد حصل مع شركة اكسنس يوم الخميس الماضي الموافق 10-7-2014
بداية انا شغال مع الشركة من شهر 9 -2013 و لم تقابلني معها اية مشكلة طول هذه الفترة .. و بالنسبالي هي افضل شركة فوركس من جميع الجهات اتعاملت معاها ..
ندخل في اللي حصل :-
يوم الخميس 10-7-2014 .. قمت بفتح اوردر بيع على اليورو دولار بدون ستوب لوس و بدون تيك بروفت و انا بالفعل لا استخدم الاستوب ... بعد ما الاوردر اتفتح ب 5 دقائق .. حدثت مشكلة تقنية عندهم و توقفت المنصة و جميع حساباتي و كمان توقف الموقع عن العمل .. استمر التوقف لمدة ساعة تقريبا .. انا في الوقت دة كنت اغلقت جهازي و نزلت .. و بعد ما رجعت فتحت المنصة و كانو خلاص صلح الخطأ ... المهم ببص .. لقيت اليورو دولار نزل حوالي 20 نقطة .. و لكن مش لاقي اي اثر للأوردر بتاعي في اي مكان .. لا هو مفتوح و لا هو مقفول .. ذهبت مباشرة للدعم و كلمتهم قالولي كان في خطأ تقني و تم اصلاحه و ادوني ايميل اراسل فيه المتختصين بمشكلتي في الاوردر اللي زايغ دة ..
المهم بعت المشكل للأيميل و ردو عليا و طلبوا تفاصيل الاوردر من ملف logs بالمنصة .. بعتهالهم ... و كنت ساعتها خايف منهم صراحة و كنت متخيل انهم مش هيرجعوا الاوردر خاصة انه من غير ستوب او تيك .. فعلى اي اساس هيرجعوه .. كنت خايف يرجعوه مفتوح على السعر الحالي و ساعتها كان اليورو دولار ارتفع تاني .. فكنت خايف يرجع على خسارة في حين اني كنت هقفله على ربح لا يقل عن 15 نقطة ...
المهم اليوم طلعوا جدعان صراحة و رجعولي الاوردر مقفول على ربح 8 نقاط زي ما قولتلهم اني عايز اقفله على ربح في ايميلاتي اللي بعتهالهم ..
أثبتوا لي انهم شركة محترمة جدا و تهتم بجميع عملائها حيث ان الحساب اللي بتكلم عنه دة حساب صغير و بالرغم من كدة اهتموا و اصلحوا الخطأ و عوضوني ..
و دي كانت شهادة حق مني لمعشوقتي اكسنس ..
و أسأل الله لكم جميعا التوفيق و الرزق الطيب في هذا الشهر الكريم المبارك
