المشاركة الأصلية كتبت بواسطة p2000 معلش ياشباب .. بعد أذنكم وبعد اذن الاستاذ ماريو .. أستاذ الشامى .. مينفعش نعلق اخطأنا على الاخرين .. الاستاذ ماريو بيدى رأيه على كل الشارتات اللى بيرفعها ومش بيقول لحد ادخل واعمل البوزشن بتاعك .. ولو صادف وقال .. انت كامل السن المفروض تفكر قبل متقرر علشان القرار دا يرجعلك انت (مش للاستاذ ماريو) وبعدين أفترض انت دخلت وبوزشن ضرب استوب مش مشكله !! لكن المشكله الكبيره انك مش عامل أداره سليمه لرأس مالك وبصراحه هو دا اللى مرجن حسابك . الاستاذ ماريو مقالش يا شباب افتحوا الصفقات دى كلها مره واحده وكمان مقلش ادخلوا الصفقات دى ببوزشن عالى .. فمعلش انا شايف انك غلطان لو بتدير رأس مالك كويس هاتعرف تكسب كويس والفرص مابتخلص ياأخى .. انا واحد من الناس اللى حسابى اتمرجن 1000 مره .. والله انا بقولك الكلام دا علشان متعتمدش على حد فى قراراتك خد القرار من نفسك بعد الدراسه والفرص كتيره .. لكن بصراحه وأمانه انا متابع مع الاستاذ ماريو من 3 شهور والراجل عمل كل جهده من شرح ودراسه وفديوهات طرق تحديد العرض والطلب و حتى الاستفسارات بتاعت الناس كان بيرد عليها بالرغم انه الراجل مشغول فى الشارتات علشان يرفعهالنا.. الاستاذ ماريو يستحق كلمه الشكر على كل المجهود اللى بيعمله .. دا مش معناه انى منحاز ليه لا لكن لابد ان الصور توضح وكل واحد يأخذ نصيبه .. أرجوا اخى الشامى ان تتقبل نقدى هذا بصدر رحب وان شاء الله نتعلم من اخطأنا ونكسب وحده وحده .. وأكرر شكرى للاستاذ ماريو وأقوله جزاك الله كل خير على العلم اللى بتحببنا فيه وأرجوا ان تستمر هذه الورشه سنين علشان الناس الجديده تتعلم البرايس اكشن ونستفيد من خبره ماريووو أعتذر عن الاطاله ... الحقيقة انا سأتقبل فعلا نقدك لسبب بسيط انه خارج من انسان محترم وتربيته سابقة افكاره عارف لو كانت شارتاتك هي سبب خسارتي مكنتش انتقدك لسبب انك محترم وانسان باين عليه ابيض من جواك تعرف انا كنت محضر مشاركة قبل مشاركتك كانت هتخليه يعتزل الفوركس بعد ما يقرأها بخمس ثواني وتظهر الحقيقة امام الجميع لكن مشاركتك اولا هدأتني وثانيا قولت انا مش هكون هايف ولا انزل للمستوى اللي يخليني اعد اجمع في مشاركاته واعلق عليها قال يعني حافظ الواد مشاركاتي مع ان لما كنت بنزلها وقتها كان بيعمل عبيط واكنه مش شايفها المهم ربنا يوفقك والحمد لله انا شحنت امس 1000 دولار وقدرت اعوض اللي خسرته ضعفا بتوصية واحدة فقط من استاذي ابو جواد وبــ 30 نقطة بس ومن النيوزلاندي بردوا هههههههه بس كان عقد مخاطرة شوية الحمد لله شكرا ليك يا ريس وربنا يوفقك همسة اظن الناس هنا كلها عارفة اني بظهر الناس على حقيقتها واللي ميعرفش يفتح موضوع رأفت هيفتكر