السلام عليكم ورحمة الله وبركاته
جعلتنى اهتم ببورصة العملات
فرغم المخاطر العالية التى تواجهها
الا اننى وجد فيها العديد من المميزات
التى لم ولن اجدها فى بورصات الاسهم
و دعونى اذكركم بها:
الفوركس يضاعف راس مالك
حتى 400 ضعف
وفى اكثر فى بعض الشركات
وشركة السمسرة لو اعطتك ضعف واحد
-يبقى كده اخر حاجه وانت من كبار العملاء–
واية فى صورة قروض بفوائد وعمولات كبيرة....
الفوركس حوالى 3.5 تريليون دولار
لو البورصة المصرية اشتغلت فى يوم بـ 2 مليار جنيه مصرى
يعنى مكملش 3.5 مليون دولار
يبقى حاسب وكده يبقى احنا عدينا وبتاع
الفوركس تشترى وتبيع
يسٌمع فى حسابك فى اللحظة
البورصة المصرية تشترى السهم النهارده
يبقى قدامك يومين عمل تسوية على ما تعرف تبيعه
تكون الدنيا خربت
يعنى لو اشتريت يوم خميس فى بانيك ولا حاجة
إن شاء الله أول ما تعرف تبيعه
مش قبل يوم الثلاثاء وعليك خير
توافر المعلومات و الشفافية
فى الفوركس مصادر الاخبار معروفه للجميع
والخبر مش بيختلف عليه اثنين
ممكن يختلفوا فى تحليله لكن الخبر واحد
فى البورصة المصرية يقولك اشترى فى الاشاعة
وبيع فى الخبر وكل يوم تسمع كلام عكس قلى قبله
المنصة والتداول الالكترونى
انا شغال على برنامج عقيم ادواته محدوده للغايه
ما ينفعش تقارن بالميتا تريدر ابداً
4 ساعات×5 ايام فى البورصة المصرية
ايوه 4 ساعات من 10.30ص الى 2.30 م
العمل فى الاتجاهين صاعد وهابط
البورصة المصرية مقدمين على الشورت سيلينج من سنين
يبقى على ما يعملوه إن شاء الله
ما ينفعش غير انك تستنى السهم لما ينزل تشتريه
ولما يبقى يطلع تبقى اتبيعه
فى الفوركس اشتغل فى اى اتجاه
كل هذه المميزات كانت دوافع قويه للتوجه الى بورصة العملات
للحديث بقية إن كان في العمر بقية ......