نسيبنا بقى من الكلام الفارغ اللى فات والألش الرخيص وخلينا نبدأ أول مشاركة ممكن تنفع اللى داخل عشان يستفيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
هاحاول أقولكم أنا بفكر إزاى وليه بختار أدخل على زوج معين دون الأخر .. مش لازم طريقة تفكيرى تبقى صح .. إنت ممكن تعرف اللى أدامك بيفكر إزاى وتحط عليها خبراتك وشخصيتك وتطلع بطريقة تانية ممكن تكون أفضل بكتير من فكر اللى أدامك .. وده من الدروس اللى إتعلمتها فى الفوركس
ليه إخترت اليورو دولار الآن
قلتلكم قبل كده إنى براقب زوج معين لفترة أثناء متاجرتى لزوج أخر .. وكما قلت لكم مش بدخل على زوجين فى وقت واحد .. أو معملتهاش لحد دلوقت إلا نادراً .. ونادراً أوى كمان
منذ حديث دراجى من أسبوعين واللى قال فيه إن الإرتفاع المتزايد لقيمة اليورو لابد أن يقابله تغيير فى الادوات النقدية الأخرى ورأيى إن اليورو معرض فى أى لحظة للهبوط لإن السياسات النقدية قد تكون سعر الفائدة وإنخفاض جديد فى سعر الفائدة وده هايقلل الطلب على اليورو وعلى المدى المتوسط هايشهد هبوط قد يكون عنيف .. ده بالإضافة إلى أزمة أوكرانيا اللى لازم كل يوم والتانى هاتلاقى خبر يقلب السوق وفى الأرجح لن يكون خبر جيد لليورو .. كمان فنياً أنا شفت أكتر من تحليل ومنها تحليل الأخ نادر غيث هنا فى المنتدى بيقول إن نقطة 1.3785 هى دعم قوى لليورو إذا كسرها سيشهد موجة جديدة من الإنخفاض وأعتقد أن هذه النقطة وصلها اليورو أكثر من مرة وأرتد منها وعادة لما بيوصل الزوج لنقطة دعم او مقاومة قوية أكتر من مرة بيكسرها أو بيخترقها فى النهاية .. وده حصل معايا فى زوج اليور ين من 3 أسابيع كنت داخل شراء ووصل للنقطة 140.9 اكتر من مرة وعاود الإنخفاض وكتبت مشاركة لأخونا ماريو وقلتله السعر وصل للنقطة دى تلات مرات ونزل هل ده معنها إنه هايخترقها وبالفعل أخترقها ووصل 142 كمان .. عشان كده أنا بدخل بيع خلال الفترة دى كل السعر ما يصعد أدخل بيع .. ولو حصل وطلع رايى وحساباتى غلط فى اليورو .. أنا حاطط نقطة هاخرج عندها على خسارة لا قدر الله عندها برضه أكون محقق أرباح كبيرة جداً فى مقابل قيمة الإيداع اللى أنا عامله .. كمان انا حالياً بتاجر بأرباحى فى الفوركس لإنى الحمد لله سحبت مؤخراً أخر جزء من خسائرى عشان كده بتاجر بقلب جامد .. الحاجة الأخيرة اللى مخليانى أدخل اليورو دولار هو إن الأسبريد بتاعه قليل وأنا فاضل لى الآن 16 صفقة بالظبط عشان أخد البونص المؤجل الأخير ليا فى الشركة .. أدعولى 
اللى قلته ده لا هو تحليل فنى ولا غيره .. دى ممكن تكون رأي أو رؤية لليورو دولار الفترة اللى جاية .. طبعاً قد تكون صحيحة أو خطأ
اللى عنده أى إستفسار أو إضافة ياريت يقولنا .. نستفيد ونتعلم كلنا