اهلاً يا إبرهيم .. ليك وحشه والله على فكره انا متابع مواضيعك من بعيد لبعيد اولاً عايز اعلق على النقطه دى ( الحديث ضعيف في نسبه إلي الرسول صلي الله عليه وسلم لكنه قاعده فقهية متفق عليها بين علماء الاسلام لاستنادها علي العديد من الادلة عن النبي واتفاق الصحابة ايضا عليها وعملهم بها ما رايك ان تنظر لهذه الصفحة ليتضح لك اكثر ما اقصد هنا) مفيش حاجه اسمها اتفاق او اجماع العلماء .. لان عمر ما العلماء ما اتفقوا على شئ .. ودايماً هتلاقى اختلاف مابينهم الحاجه الوحيده اللي متفقين عليها هى القرآن .. اما باقى الآمور كلها فعليها اختلاف دا فى مجموعه مختلفين اصلاً ان سيدنا محمد (ص) هو الرسول (اتحدث عن الشيعه) يعنى لما تشوف حد بيحلل او بيحرم شئ ومش عارف يقنعك بآيه قرآنيه واضحه هتلاقيه بيقولك اصلى الفقهاء والعلماء اجمعوا على هذا {يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا} - الأحزاب (66) {وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا} - الأحزاب (67) يعنى لما تيجى تقول رأى لازم يكون رأى مبنى على قناعتك الشخصيه .. لأن ربنا (سبحانه وتعالى) لما يحاسبنا مش هينفع نقوله اصلى الشيخ فلان والعالم كذا بيقول كدا نيجى بقى للنقطه التانيه وهى الرافعة الرافعه ليست ربا (من وجهة نظرى طبعاً) هقولك مثال .. نفترض دلوقتى انى انا فاتح محل موبيلات وانت جيت تشترى منى موبايل .. وانت مش معاك غير ثمن موبايل واحد جيت انا بقى قولتلك بدل متاخد موبايل واحد بس ياعم هيما خدهم عشره .. وكل اللى انا طالبه منك انك ترجعلى ثمن الموبيلات بعد ماتبيعهم بدون ذياده ولا مليم طبعاً انا هستفيد وانت هتستفيد .. يعنى انا مثلا لو كنت هكسب 100 ج فى موبايل واحد اصبحت اكسب 1000 ج وانت هتاخد الموبيلات وهتبيعهم وانت وشطارتك ياخسرت فيهم يا ربحت هل كدا انا اعطيتك بالربا ؟! بالتأكيد لاء لأنى مأخذتش منك مليم ذياده وابقى اتفرج ع الفيديو دا .. ليه علاقه بفوائد البنوك والربا