د/احمد اشكرك علي ردك عليا .. و انا لسة مخلص الموضوع كاملا بكل صفحاتة
و اسف لو هتقل عليكم بالاسئلة ..
انا غلطت في حاجة في رسمتي و هي اني رسمت الهاي علي اخر شمعة مع العلم بانها تنتمي للاسبوع الجديد
سهوا اسف
حضرتك قلت بالنسبة للشق الفني مدخلش غير لما الصفقة تتقفل هل دة تخوفا من الا يتحمل الحساب ولا لسبب اخر برجاء التوصيح
طبعا انا فاهم ان اساس الاستراتيجية هي الEUR/JPY و الطريقة للشراء فقط وشفت ان اكتر من واحد سئل او اقترح حاجة كويسة
علي سبيل المثال من المفترض ان اللي بيمشي علي الشراء يمشي علي البيع خاصة اننا بنتعامل مع نقاط محورية و هي الهاي واللو بتاع الاسبوع و تم الاشارة ان دة ممكن يضاعف الربح و حضرتك كان عندك تحفظ علي دة ممكن حبة شرح لية لو سمحت
الحاجة التانية بردو تم الاشارة اننا ممكن نطبق نفس الكلام دة بس علي عملات تانية مع التعديل اذا وجب سواء في ال tp و عدد النقط علي حسب الرينج بتاع كل عملة .. اعتقد بكدة ممكن تكون الطريقة اوسع واشمل و اربح بكتير و افتكر انها ماشية كويس علي الGBP/JPY .. انا مش طماع ولكن بحاول اطور معاكم و افكر بصوت عالي واتمني اكون بساهم ولو بحاجة بسيطة ..
و احب اضم صوتي لكل من طالب بعمل اكسبرت للطريقة سواء الاصلية او للشراء والبيع بطريقة الهيدج والمضاعفات
همسة : انا عضو في المنتدي من فترة و دايما بدخل اتابع من بعيد لبعيد و لكن موضوع عجبني جدا وقلت لازم اشارككم لو سمحتولي ..
واتمني التوفيق للجميع والربح الوفير و دوام الصحة لحضرتك لمشاركة اخواتك بعلمك