اولا محبش ان اي حد يعتمد علي كلامي الفوركس مصدر ربح لناس
كتير ومحبش اني اكون السبب في خروج اي حد من هذا المجال لكني هقول الي عندي
اولا لما نتكلم عن الحلال والحرام لازم نضع عواطفنا علي جنب ولا نسير وراء التمايلات
في الفترة الاخيرة قرات فتاوي كتيرة عن الفوركس اغلبها يحرم والباقي يحلل وضعتني في حيرة
مش عارف اعمل ايه فحولت اشوف دوافع التحليل والتحريم لقيت ان اغلب الفتاوي تقول ان التعامل
في تبادل العملات حلال مع اجتناب شروط بسيطة ولكن الخلاف كان علي نظام الهامش
وهو القرض الذي يعطيه لكا الوسيط
واغلب الفتاوي جائت بالقاعدة الشرعية (كل قرض جر نفعا فهو ربا)
وهنا الحيرة
1-اذا كانا قرض الوسيط فيه منفعة له فانه حرام
2-اذا كانا قرض الوسيط بدون اي منفعة له لوجه الله فهو حلال
انا من الناس الي شافت اني المقولة الثانية هي الارجح لاني الوسيط عمرو ما هيديك
القرض ده بدون منفعه (لوجه الله) ومنفعته هي انك تتاجر من خلاله بالقرض
وياخذ منك العمولات
رد الوافي الله يرحمه علي سبب التحريم هذا من قبل
وقال ان الشركة حتي وإن لم تعطيك القرض ستاخذ العمولة
ولكني بردو اري الراي الثاني لان الشركة تشترط ان التجارة بالقرض تكون من خلالها
وبتالي هتاخد العمولات وتبقي استفادت من القرض وبعدين مين الي هيتاجر بدون هامش
وكلنا عارفين ان شركة الوساطة دية لو مش هتلاقي فائدة من وراء القرض مش هتدهولك
والله اعلم
انا قلت الذي اعرفه و اراه وربما كنت مخطيء عشان كدة مش عايز حد يعتمد علي كلامي
وياريت كلنا نبحث في الامر ده
مش عشان دنياتنا نخسر اخرتنا
تحياتي للجميع