بسم الله الرحمن الرحيم
ا
لنهاردة هشرح استراتيجية لمؤشرين مع بعض بتحقق نتايج هايلة فى شغل السكالبنج بس ملاحظ ان الاستراتيجية دى الناس اهملتها من زمان مه انها لسه محافظة على قوتها لحد دلوقتى وامنة جدا لان استوبها مش بيكون كبير وفرصها بتكون كتير بس مشكلتها انهها محتاجة متابعة مستمرة للشارات بس هتكون مثمرة جدا ,, انا شاء الله هحاول اشرح الاستراتيجية واوضح مميزاتها وعيوبها اللى اكتشفتها من خلال تعاملى معاها لفترة كبيرة
اولا الاستراتيجية بتعتمد على مؤشرين هما البولنجر باند ومؤشر الستوكاستيك
اولا البولنجر باند : ده مؤشر بيقيس قوة التذبذب على الشارت عن طريق 3 خطوط السعر بيتحرك ما بينهم وكل ما زادت المسافة بينهم ده بيدل على ان التذبذب قليل وكلما قلت المسافة ده يدل على ان التذبذ قوى ,, هنستعمل مؤشر البولنجر باند باعداداته الافتراضية .
وده شكل المؤشر على الشارت
تانى مؤشر معانا هو مؤشر الستوكاستيك : وده مؤشر بيقيس مستوى التشبع الشرائى والبيعى واهم مستويين فيه هما مستوى 80 و مستوى 20 لما المؤشر يبقى عند مستوى 80 ده بيدل على وجود تشبع شرائى يبقى ندخل بيع ,, لو عند مستوى 20 يبقى كده عندنا تشبع بيع يبقى ندخل شراء وهنستخدم المؤضر باعداداته الافتراضية .
طريقة الدخول :
1- العمل هيبقى على فريم ربع سعة او نص ساعة بس انا بفضل ربع سعة لكثرة الفرص عليه .
2- السعر اخترق الخط الاسفل لبولنجر باند وقفل شمعة ربع ساعة تحت الخط الاسفل للبولنجر باند مع وجود تشبع بيعى على الستوكاستك والمؤشر عند مستوى 20 والهدف بتاعنا هيبقى 10 نقط واوقات كتير بيجيب اكتر من كده بس الافضل اننا نكتفى ب 10 نقط .
3- السعر اخترق الخط الاعلى للبولنجر باند وقفل فوقه بشمعة ربع ساعة مع وجود تشبع شرائى على الستوكاستك ووجوده عند مستوى 80 يبقى كده الدخول بيع بهدف 10 نقط .
نيجى بقى لشوية امثلة بالصور عشان دى اللى هتوضح كل حاجة .
فى الصورة السابقة زى ما شايفين السعر اخترق الخط الاسفل للبولنجر باند وقفل تحته شمعة ربع ساعة وايضا يوجد تشبع بيعى على الستوكاستيك ووجود المؤشر عند مستوى 20 لذا يكون الدخول شراء ستوب 20 نقطة على الاكثر والفرص حققت +27 نقطة .
نشوف فرصة تانية برضه
* اغلاق شمعة بولنجر باند خارج البولنجرباند مع وجود تشبع بيعى تم الصعود وتحقيق +40 نقطة
اغلاق اعلى الخط الاعلى للبولنجر باند ووجود تشبع شرائى على الستوكاستك عند مستوىى 80 ندخل بيع وتم تحقيق +13 نقطة
* نركز بقى شوية فى المثال اللى جاى ده عشان فيه ملاحظة مهمة
فى المثال ده عندنا اغلاق خارج البولنجر باند وتشبع شرائى والفرصة جابت ال 10 نقط فعلا بس فيه حاجة صغيرة ,, هنا هنلاحظ ان البولنجر باند مع تكون الفرصة كان ابتدى يتسع جدا وهنا الدخول بيكون خطر لان العملة بتكون اخدت اتجاه معين وبتترحك فيه قبنصح ان لما نلاحظ ان الخطوط تباعدت عن بعض اوى مندخلش فى رص لانها بتكون فيها نسبة خطورة او حتى لو دخلنا يبقى نكتفى بال 10 نقط ونخرج علطول لان احتمال بعدها يعكس جاد زى ما حصل فى المثال ده برضه جال ال 10 نقط وبعدين صعد تانى كتير .
ملاحظات : 1- عدم الطمع فى هذه الاستراتيجية والاكتفاء ب 10 نقط
2 - الستوب يكون 15 نقطة على الاكثر
3- عندما تكون الشمة التى اغلقت خارج الخط شمعة بين بار عاكسة للاتجاه يكون نسبه تحقق الفرصة اكتر من 95 فى المية .
4 - عدم الدخول فى حالة عدم توافق المؤشرين مع بعض واكتمال الشروط
5- افضل الاوقات لاستخدام هذه الطريقة هيا اوقات التذبذب الشديد ويفضل الابيتعاد عن الاوقات اللى بتكون فيها بورصة نيويورك شغالة وافضل وقت هو من 6 مساء ل 1 صباحا بتوقيت مصر .
فى النهاية ارجو ان تنال الاستراتيجية اعجابكم وتاتى علليكم بالربح الوفير ان شاء الله والدعاء لى وشكرا .