لابد ان تغير نظرتك للفوركس وأسلوب تجارتك ..
كنت استغرب من اسئلة بعض الاعضاء الخاصة ب هل فعلا حد بيكسب من الفوركس ؟؟؟
وهل هناك نسبة ثابتة للربح ...
فى البداية لا توجد نسبة ثابتة ..بل انك ممكن تخسر وتنعكس عليك الصفقات ...
هذا كلام مفروغ منه ..
لكن ...اذا سعادتك عاوز تشتغل فوركس فلابد ان تعلم ياصديقى اللورد
ان الفوركس ماهو إلا تجارة إنعكاسات ...يعنى تبقى داخل وعارف ان الصفقة هاتعكس عليك
بس انت عامل حسابك وعارف انت هاتعمل ايه ..وطبعا تكون داخل مع الإتجاه وليس عكسه
* إذا كنت تتاجر بأقل من 10 الآف دولار ..يبقى سعادتك مازلت بتجرب ...لكنك لا تتاجر بالمعنى الحقيقى
لأنه كما قلت لك هى تجارة إنعكاسات ...ولابد ان يكون هناك هامشا يحمى صفقاتك
تخيل ان سعادتك بتشترى او بتبيع بعقد ميكرو ..10 سنت للنقطة
ومعاك اتجاه وايا كان التحليل اللى اختارته وشغال ..
انت مش مطلوب منك انك تعمل 100 % كل شهر ...محدش بيجرى وراك ...
اشتغل براحتك هاتكسب ...
لكن سعادتك داخل ب 100 دولار وعاوزهم يبقوا 10 الاف خلال شهر ...ده فوركس
او سعادتك معاك 1000 دولار وشغال بنظام المضاعفات اللى هو مبنى على عدم معرفتك للإتجاه
وكل لما الصفقة تعكس نقاط تزود العقود ..لغاية ماتلاقى نفسك فاتح اكتر من 50 عقد
يعنى داخل عكس الأتجاه وبتزود العقود !!! وبعد كدة تقولى الناس بتخسر ..ده مفروض يفلسوا
مش يخسروا بس ...
ان اعتبرت الفوركس تجارة وتعاملت بأسلوب التجار ستكسب ...وان تعاملت معه على انه
قمار ....داخل ب 100 دولار وعاوزهم يبقوا مليون ..يبقى سعادتك هاتقعد تعمل ايداع لشركات
الفوركس لغاية ماتموت ...
حدد اتجاهك ...وهاتشتغل فى أى زوج عملة وفقا لرأس مالك ..لو لقيت رأس مالك قليل
هانقول مثلا 300 دولار ...معقولة تشتغل على الباوند ين بال 300 دولار ..ده من كثرة ذبذبته العنيفة
الناس سموه المجنون ..تضيع نفسك مع زوج مجنون ..
علشان كدة كنا بنقول للناس تشتغل وتعمل البيانات التاريخية ويشوفوا ملاحظاتهم ..
لكن الناس مش هاتشتغل ...لانهم خلاص تعودوا على أسلوب التوصية
وعلى المنتديات ...يدخل يشوف فلان كاتب ايه ..وده كاتب ايه ..وفى النهاية المارجن كوول
وبعدين يسألك مستغرب هو ليه بيخسر !!!!
اجتهد ...تعلم ...كن مرن الفكر مع السوق ...لا ترتكب الأخطاء القاتلة ..
وكن هادئا ...هتلاقى نفسك بتكسب ...
* اوعى تفتكرنى انى خلاص علشان بقولك الكلام ده أكون وصلت وأصبح تداولى راضيا عنه ..
لكن كل يوم بتطور من نفسك ...بشوف أخطائى وبحاول اعالجها ...واحدة واحدة لغاية ماوصل
ان شاء الله ..