السلام عليكم أ/علي يوسف
اسمح لي اعلق علي المشاركة....بصراحة ومنغير ما تزعل مني لان الله يعلم معزتك في قلبي كبيرة حتي من غير ما اعرفك
اولا:عند فتح الموضوع التعليمي كنت من المتابعين الاوائل مع حضرتك ويعلم الله انا كنت بفتح عيني اول حاجة بعملها اني بشوف الموضوع وكنت بجيب قلم وورقة واكتب الشرح عشان مفيش حاجة تتوه مني وطبقت الكلام علي المجنون لما كنا بنشرح عليه لو فاكر وكسبت ونزلت الفرصة لايف
ثانيا:لما حصلت مشكة المشاركات كل اللي في الورشة اقترح وحضرتك قولت انا هكتب 10 ايام و10 للاسئلة و10 للنقاش واتفقنا...بس حضرتك مقدرتش تكمل عشان ضيق الوقت واقسم بالله اني لا الومك لان اكيد وراك شغل وبيت واولاد والكلام ده كان في شهر 9 الماضي
ثالثا:لما حضرتك قولت ان احنا هنكمل توصيات واهتممت بهذا الباب اكثر من الباب الاخر فبدأ كل المتابعين للموضوع التعليمي ميكملوش لان الهدف التعليم عشان هو اللي بيجيب المكسب
رابعا:لما حضرتك شعرت بضيق الوقت اخونا ابوسمر قال ان هو هيدخل يشرح جزء بالتنسيق مع حضرتك وقولنا نقسم مجموعات والعبد لله والاخ الحسين شعيب كان اول من ابدا استعداد للمساعدة....وبعد كده سالت حضرتك والحيت عن كتب تعليمية للتحليل الرقمي حضرتك قولت انك هتنزل كتاب مطبوع في السوق عن التحليل الرقمي...مع العلم ان لو حضرتك نزلت كتب بالانجليزي هنا في المنتدي انا علي استعداد اترجمها وانزلها للاخوة كي يستفيد الاعضاء بس قولي ابدأ منين لان الكتب كتير و مش كاملة
خامسا:التوقف عن الموضوع التعليمي هو اللي سبب قلة التفاعل لان كل الناس مستنيه تشوف رؤية حضرتك الازواج وتحليلك للاتجاه لان هو معوش معادلات او ارقام تحددله اي حاجة....واتفق مع حضرتك انك نزلت تطبيقات مهمة فعلا واستفدت منها شخصيا ولكن لاغني عن الموضوع التعليمي
اخيرا:اسف علي الاطالة وتقبل مشاركتي بصدر رحب ويعلم الله اني احبك في الله