البداية
سعادتك لسه داخل الفوركس اليوم ..وعاوز تعرف معلومات عن أى زوج
ماذا ستفعل ؟؟؟ اول حاجة هاتشوف مثلا زوج العملة اتحرك كام نقطة فى السنة
يعنى هاتشوف اعلى سعر خلال السنة وبعد كدة تشوف ادنى سعر خلال السنة
هانفترض مثلا انه كان اعلى سعر له هو 100 وأقل سعر له كان 20
يبقى 100- 20 = 80 ....ده اللى بنقول عليه المدى
يبقى سعادتك من المعلومة الأولى البسيطة ديه ..عرفت مجموعة معلومات
اول معلومة ان هناك دعم تاريخى قوى عند ال 20
وتانى معلومة ان هناك مقاومة تاريخية عند ال 100
وثالث معلومة انك هاتدخل بائعا لو كسر ال 20 لاسفل ..وهاتدخل مشتريا لو كسر ال 100 لاعلى
ثم تبتدى تعمل مقارنة بالسنين الماضية ...هتاخد مثلا 5 سنوات ..لأن اكثر من ذلك
مش هاتكون النتائج مفيدة اووى لأن الظروف الأقتصادية والتداول نفسه سيكون متغيرا ..
يبقى هتاخد 5 سنوات وتشوف ..
هتلاقى السنة اللى انت حسبتها المدى كان 80 ...ثم فى السنين الأخرى كان المدى
60 و 70 و 80 و 90 و 110
من المقارنة هذه هتاخد القيمة الشاذة اللى هى 110 وستضعها فى اعتبارك
طيب ليه ...لأنك ناوى تستخدمها فى المخاطرة
يعنى سعادتك السعر اتحرك خلال الربع الأول من 20 الى 80 وهو الآن ب 30
هاتقول آه ...هو دلوقتى ب 30 ...وأعلى حاجة كانت 80 ..يبقى اتحرك 50
يبقى ناقص ليه اعلى حاجة ايه ..انه يتحرك 60 ..لأن 110 - 50 = 60
طيب ماهو ممكن السنة اللى سعادتك فيها هى اللى يبقى فيها قيمة شاذة ؟؟؟
اذا لابد لك من أدوات أخرى تظبط تلك المسألة ..
نقطة ومن أول السطر .