طبعا الأيام الماضية قرأت موضوع جعلنى اتجنن ...
وهو مايسمى بعقود الأوبشن فى الأسهم
ناس بتعمل الف ضعف محفظتها بل و أكثر من ذلك ..
يعنى تدخل ب الف دولار تلاقيهم مليون دولار
من عملية واحدة !!!! هههههههههههه
طبعا حاجة تجنن ...ياريت الأخوة اللى فاهمين فى عقود الأوبشن للأسهم الأمريكية يعملوا لينا باب
احسن ديه حاجة ولا فى الأحلام ..
اللى انا فهمته ان العقد فى الأوبشن بيكون عبارة عن 100 سهم ..
واما انك داخل تشترى او تبيع ...خلينا فى عملية الشراء لأنها هى اللى حلال
بتدفع عربون للسهم اللى انت عاوز تشتري منه عقد ( 100 سهم )
العربون ده مش ملزم ليك انك تكمل عملية الشراء ..لكنه ملزم للبائع
مثلا ان عجبك سهم google .. وشايفه ب 600 دولار تروح للبائع وتقوله
انا شايف انه هايروح خلال 6 شهور ل 650 دولار ايه رأيك انك تبيعه ليا ب 650 دولار
وهادفع ليك عربون للعقد ( 100 سهم جوجل ) 7 دولار ..
وهنفذ العقد خلال 6 شهور ...
فى هذه الحالة المستهدف اللى سعادتك واضعه ده واللى بيسموه ستريك ..لو جاء
خلال ال 6 شهور وطلع السعر فوقه وأصبح مثلا ب 700 تأتى سعادتك وتقول للراجل
انا هانفذ العقد معاك وتدفع باقى ثمن ال 100 سهم جوجل على 650 دولار
وال 50 دولار * 100 سهم = 5000 دولار يكونوا مكسبك من تلك العملية
يعنى دفعت عربون 7 دولار لو السعر المستهدف لم يأتى خلال الفترة
اللى حددتها هايضيع عليك العربون
وان أتى السعر وارتفع فوق المستهدف ده يكون مكسبك
وتبقى كسبت من 7 دولار 5000 دولار !!!
طبعا اذا لم تريد تحويلهم لأسهم ..يعنى مش عاوز تحول العقد لأسهم ..ممكن تبيعه على انه عقد
أوبشن ..ووقتها ايضا هتكسب ...
بس لأنى مش متعمق اووى يادوووب قلت لكم الفكرة اللى عجبتنى
ياريت أحد من الأخوة يكون فاهم الحكاية ديه ...يفتح باب ويشرحها ..
فهى كما يسمونها تجارة النخبة