بالنسبة للفرص القوية قليلة التوفر جدا وممكن في شهر معين تلاقيها اتوفرت علي كذا عملة
يعني ممكن في شهر ندخل كذا فرصة قوية علي كذا عملة وممكن في شهر مندخلش ولا فرصة
فنا هعرض هنا بس الفرص اللي شايفها قوية جدا عشان تبقي نسبة نجاحها عالية خصوصا اننا بنقفل نص الربح بعد تحقيق جزء من الهدف وساعتها لو رجع ضرب الستوب الاصلي هتكون المحصلة صفر يعني لو الستوب 100 نقطة واحنا داخلين بعشرة سنت اول ما بيوصل ل100 نقطة ربح بيكون الربح 10$
ساعتها بنقفل نص العقد يعني 5$ ونسيب الباقي فلو رجع للستوب هتكون 100 نقطة في 5 سنت يعني -5$ ومخسرناش حاجة وبكده استفدنا حاجتين اننا امنا الحساب وتاني حاجة مخليناش الستوب علي الدخول من البداية عشان مينضربش بسهولة
فزي ما قولنا هنعرض القوية جدا بس من حيث
1/ الترند الصاعد وبس لاني مش بعرف اشتغل غير عليه هههههه وطبعا اللي عايز يعرض فرصة لترند هابط قشطة مفيش مشكلة
و يكون علي شارت الاربع ساعات ثنائي او ثلاثي ويكون زاويته كويسة ومن اول الموجة
2/ الشرط الاهم من الترند انه يكون التقاطع لسه حاصل قبل كسر الترند علي طول لانه ده اللي بيضمن نسبة النجاح وشوفوا الفرص اللي فاتت وقارنوا بينها هتعرفوا قصدي
3/ طبعا باقي الشروط مفروغ منها وممكن المرونة معاها برضه
انا كتبت المشاركة دي عشان محدش يقول الورشة مش شغالة ليه وعامة ادينا كده في شهر يناير في صفقتين اتوفروا وبقوة وموجودين بالشرح وبالصور بس انا دخلت صفقة واحدة بس علي الحقيقي
عامة هنشوف شهر فبراير ايه وضعه ولو حد عنده اضافة او فرصة ميتاخرش
بالتوفيق للكل