السلام عليكم
اولا قبل اى شئ اتأسف لكل الاعضاء المتابعين لموضوعى المتواضع هذا
لعدم متابعتى من امس لانى اقسم بالله العظيم من وقت ماقرأت المشاركة وانا فى حالة نفسة وحشة جدا
فية ناس ممكن تقولى الموضوع بسيط ومشاركة متعملش فيك كدة
لاكن احب اقول ان الظلم وحش جدا والاحساس بالظلم صعب
انا واعوذ بالله من كلمة انا فتحت الموضوع دة وعارف ومدرك جدا ان الموضوع مش سهل وكمان بحمل نفسى مهمة صعبة وان نسبة كبيرة جدا ان الحساب يتمرجن والرحلة ماتكملش
واكون بكدة اضريت بنفسى امام كل اعضاء المنتدى وكمان اسمى فى المنتدى
انا لو كنت بدور على استعراض عضلاتى عمرى ماكنت افكر انى افتح موضوع بمخاطرة عالية زى الموضوع دة واعرض نفسى ان يتمرجن حسابى مع خسارة صفقة واحدة
طبعا لما هخسر صفقة ويتمرجن حسابى هكون ضريت نفسى وماحدش هيخلينى ادير حساب لية لو بدور على ادارة حسابات
كنت ممكن افتح موضوع توصيات عادى جدا وانزل عدد كتير من التوصيات وبلوت صغير ولما كانت صفقة تخسر ماكانتش هتأثر عليه لان السوق فية مكسب وخسارة
لاكن وبكل صدق انا حبيت اقوم بتجربة الرحلة وقولت انها تكون فى المنتدى اتابع مع الاعضاء وكمان ممكن حد يستفيد من توصياتى ونشجع بعض ونكسر الحاجز النفسى والخوف اللى بيسيطر علينا
وكمان حظرت فى اول الموضوع ان الرحلة تجريبية وانها على حساب تجريبى ومحدش يدخل على حساب حقيقى الا على مسئوليتة الشخصية
ويعلم الله انى فتحت هذا الموضوع فى المنتدى لكى نقوم بتجربة الرحلة مع بعض
اعتذر لكم على طول المشاركة لاكن حبيت اوضح الامور
وسوف اتوقف عن هذه الرحلة التى من الممكن ان تضر بإسمى والتى قد يعتبرها البعض استعراض عضلات او دعاية لأى شئ اخر
وسوف اقوم بوضع توصيات عادية للاعضاء التى تريد توصيات منى هنا فى هذا الموضوع او فى موضوع جديد كما تحبون
مع خالص تحياتى