المشاركة الأصلية كتبت بواسطة tam_new2000 بسم الله الرحمن الرحيم انا معجب اوى بتفاعلك السريع مع الردود وعطائك الكريم دة انشاء الله ربنا يزيدك على ميزان حسناتك بيه احب الاول اقولك على حاجة الانسان اللى بيحب حاجة دايما بيبدع فيها والاهم والاهم حاجتين حاجة اسمها الرغبة المشتعله-دى من كلام عمنا الدكتور ابراهيم الفقى-بمعنى انك تبقى عندك حماس شديد انك تتعلم وتبدع وتقهر الصعب عليك والحاجة التانية والاهم الاستمرار فى الحماس دة زائد الالتزام طبعا دة كلام كبير وكتير ان مكنش المعظم من الناس والغالبية مبيلتزمش ومنكرش انى ساعات ببقى منهم بس الظروف اللت والعجن دة لية بقى انا عاوز اقولك انى انشاء الله هتابع معاك والمعلومة بتتاكد بالتكرار انا اسمى تامر كميائى شغال فى وزارة الدفاع 30 سنه ومن الشرقية وحاليا مقيم بفيصل معرفتى بالفوركس من شهر 4 اللى فات بس انا باحاول اجتهد على قد ربنا مايقدرنى بس اللى حاسس بية ان الفوركس او مجال المضاربة او الاسثمار بوجة عام سواء بقى اسهم او سلع او اى نوع منهم محتاج صبر ومتابعه وتعاون والاخيرة هيا الاهم لان اللى بيحاول لوحدو الياس بيمسكو بسرعه وانا نفسى يبقى فية تعاون دة بيخلق روح منافسة شريفة وتبادل معلومات بتوفر مجهود لو لوحدك وتوهان وحاجة تانية مهمة اللى هيا انك تشوف اخطائك وحلولها من نظر الاخرين وتشوف غلط غيرك وتتعلم منو دة اكبر خبرة ممكنة ودة اللى اتعلمتو بحكم شغلى العملى لان اللى اتعلمتو فى سنة لو مكنتش اتعلمتو على ايد الخبراء وزملاتى مكنتش هتعلمو فى 10 سنين لوحدى وشكرا ليك واسف على الاطاله تشرفنا ويزيدنا فخر بمعرفتك يا باشا وكلامك لا غبار علية تماما وهوا دا اللى نفسى اوصلو للناس تسلم ايدك تحياتى الحارة
