 |
 |
|
 |
|
فى ايه يا بنى انت وهو اسيبكم ساعتين تلاتة ارجع الاقيكم مسكين فى خناق بعض
اهى الصورة على العموم 
السؤال هنا هل اذا كنت معرفش انه غير سلامى يبقى لازم الغى الحساب كله ولا ممكن مثلا قيمة الفايدة الموجبة اطلعها لله وعلى فكرة انا عايز اعرف من حيث المبدأ انا ميهمنيش الحساب لانه فيى مبلغ بسيط |
|
 |
|
 |
سيدى الفاضل قبل الاجابه على تساؤلك
خلى بالك يا معلم
ماجد زكى يلاحقك
...................................
ندخل على ال
swap
هو بالفعل ممكن يضاف على رصيدك و ممكن يخصم منه
بمعنى انه قد يكون مدين و قد يكون دائن
لأنه ما هو إلا فائده بنكيه
يتم احتسابها على أموال أو قروض
و الفائده قد تكون فائده مدينه ( تُخصم على حسابك )
و قد تكون فائده دائنه ( تضاف الى حسابك )
لو أنت المقترض ............. يتم خصم الفائده عليك
لو أنت المقرض ................. يتم اضافة الفائده لك
و فى كل الحالات تحتسب نسبة الفائده على اساس مده القرض
جميل يا ريس
ماشى الحال معايا
......
إذن فهى فائده بنكيه و من ثم دخلنا فى اختلاف الرؤى و الفتاوى الدينيه
من حيث الحل و الحرمه ...... و للفتوى أهلها
و للخروج من هذا المأزق
كانت فكرة الحسابات الاسلاميه
..........................
طيب الكلام ده
نطبقه إزاى فى الفوركس
؟؟؟؟؟؟
للإجابه
أنت بايع و لا مشترى ؟؟؟؟
أو أنت مقرض و لا مقترض
بالطبع فى كل صفقه يتم فتحها
أنت بائع و مشترى
فى ذات الوقت
بالفعل
فأنت تشترى عمله مقابل ان تبيع عمله ثانيه
و فى الحالتين لا ادفع مالا مقابل الشراء و لا استلم مالاً مقابل البيع
فكل ما ادفعه ما هو الا هامش فقط
و علشان اشترى و ليس معى ... يتم اقراضى حتى اشترى ( فأنا هنا مقترض ) طوال مده فتح العقد
و علشان أبيع و لا احصل قيمة بيعى بل اتركه للبنك او للشركه فقد أقرضتهم تلك القيمه طوال مده فتح العقد
كل هذا على سبيل الاقراض
الذى يستحق عنه فوائد
مدينه و دائنه
عليك و لك
فى ذات الوقت
...............
بس شوف يا استاذى
صفقتك كانت شراء استرالى مقابل دولار
و ليكن الان
جميل
و علشان تشترى الاسترلينى أقرضوك دولار يا ريس تبيعه و تشترى به الاسترالى
و عداد فائدة هذا القرض هيعد عليك يوم بيوم .... جميل ...... ده كده swap عليك
تعالى بقى
الاسترالى اللى انت اشتريته الان
خلاص اصبح ملكك .... من الان ...... و ستتحمل اى فروق سعر فيه من الان
و لكنك لم تأخذ هذا الاسترالى بل تركته لهم ... كقرض منك لهم .....
و تستحق عنه فائده دائنه أى swap لك
و الفرق بين فائده قرض الدولار المدينه و فائده الاسترالى الدائنه بعد معادلتها بالدولار
قد يكون لك او عليك وفقاً لأسعار الفوائد فى العملتين
و من أجل هذا هناك الكثير من الاستيراتيجيات
التى تلعب على هذه النقطه
بحيث انه ممكن ان تحقق من ال swap
فائده تزيد على ربح فروق السعر او تغطى خسارة فروق السعر
و لكنها و لأنها فائده بنكيه
كانت شبهة الحرمه
و الله تعالى اعلى و أعلم
.................................................. .....................
وصلت يا عُبد
........................
أذكرك
خلى بالك من ماجد زكى
الاسد القادم أتٍ
.................................................. ........
اسمح لى يا أ / عبد الله
أجعل نسخة من هذا الرد
كموضوع مستقل
للعلم و الحفظ دون ان تضيع فى طى صفحات هذه الاستراحه اللذيذه
و حتى يكون مجالاً للمناقشة و التعديل
اذا ما كنت قد أخطأت
.................................................. ...