لماذا التحليل الرقمى ؟؟؟
لأنك لو قمت بالسير وراء المؤشرات الفنية قد تصاب بلوثة عقلية ياصديقى اللورد
مئات المؤشرات ...منها مايرجح عملية الشراء ومنها ايضا مايعطيك اشارات البيع
ايه الحكاية ..اعمل ايه ؟؟
ثم هل معقولا ان تحارب عدوك بسلاحا هو من صنعه ؟؟!!!
ثم تبيع زوج العملة اليوم فيرتفع فتغلق الصفقة خاسرا ...ثم تأتى تانى يوم
تلاقى نفس الزوج يهبط ...إيه التهريج ده ..
هى امريكا والأتحاد الأوربى عرفوا انى دخلت الفوركس وعاوزين يخسرونى !!!!
اشترى زوج العملة يقوم نازل ومخسرنى ...ابيع يقوم طالع ...حد يفهمنا ايه اللى بيحصل !!!
وتلك كانت النقطة الأساسية فى الفوركس ..العبد لله داخل يبيع عملة الباوند / دولار ب 15600
وعارف ان النقطة الصخرية له هى 15753 ...يعنى 153 نقطة ...
يبقى لو حسابى 1000 دولار مثلا ....هادخل بمخاطرة 10 صفقات قيمة النقطة 10 سنت ..يعنى مجموعهم 1 دولار
على اسعار مختلفة علشان اعمل متوسطات بالقرب من ال 15753 ...هتلاقى المتوسط مثلا 15650
يعنى يوم ماهاخسر هايكون بأختراق مستوى ال 15753 ..يعنى حوالى 103 نقطة أى 103 دولار خسارة
فى حين اننى اريد ان اكسب من ال 15650 حتى 15400 ..أى 250 نقطة ..250 دولار
وهكذا تكون نسبة المخاطرة حوالى 10 % خسارة لأنك خسرت 100 دولار من 1000
ونسبة الربح حوالى 25 % لأنك عاوز تكسب 250 دولار ل 1000 دولار
طبعا قد لا تستطيع الحصول على ال 250 نقطة كاملة وتحصل على 200 مثلا ..ولكنك فى النهاية
حصلت على عائد ربح اكبر من نسبة المخاطرة ...أضف الى هذا صفقات السكالبينج التى من الممكن
ان تقوم بعملها كلما اقترب السعر من النقطة الصخرية ..يعنى مثلا السعر ب 15700 ...هاتبيع صفقة قيمة
النقطة فيها ب 2 دولار ...وانت مستعد ان تخسر حتى مستوى ال 15753 اى 53 نقطة * 2 دولار = 106 دولار خسارة
فى حين انك عاوز تكسب 100 نقطة فقط من تلك الصفقة السريعة اى 2 دولار * 100 نقطة = 200 دولار مكسب
وهكذا ياصديقى بمعرفتك للأرقام الصخرية عرفت كيفية إدارة رأس مالك وتحكمت فى نسبة المخاطرة وعائد الربح
نقطة ومن اول السطر .