بعد مشفتو الفيدو اعتقد الصوره وضحت للى هنتكلم عنه . وناس كتير جدا أكيد بتقول الفيبوناتشى جربناه ولوحده مش كفايه و ..و ...و ..و ...
بالفعل الفيبوانتشى بالطريقه التقليديه عديم الجدوى .
لأنى بدات اشتغل بيه فعلا . لكن النتائج وحشه برضه .برغم دقه مناطق الدخول بصوره كبير جدا .
ولانى بشتغل على الدايلى .وكان رسم الفيبوناتشى المعتاد . ف الطبيعى اتاجر بين الخطوط .
لقيت السعر غالبا من وسط 10صفقات صفقه واحده توصل للهدف والباقيين يرتدو قبل الوصول للهدف .
السؤال هنا ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الفيديو اللى شفناه من شويه بيقول ان لكل شئ فى الوجود نسبه ذهبيه أو نسميها مركز والنسبه مقدره ب 61.8
يبقى أكيد حتى بين الخطوط ليهم مركز .ومنه يقرر السعر العوده او اكمال الطريق .
جربت انى اخالف قوانين الفيبوناتشى . وأرسم الفيبو بين الخطين على فريمات أصغر .
بمعنى لو الرسم الاساسى على الويكلى والسعر بين الخطين 61.8 وخط الخمسين . بروح للدايلى وارسم الفيبو بين الخطين دول . وربما فريمات أصغر على حسب الزوج .
عن جد النتائج كانت ممتازه جدا وبدقه قد لا يصدقها الكثيرين .
أمثله ......
من امبارح قلت على الشات الباوند صاعد . وفعلا صعد .
ارسموها على اليورو وشوفو انه كان صاعد من الاساس.
ارسموها على المجنون وشوف انه كان صاعد يوم تدخل اليابان وذكرت صعوده قبلها فى منتدى جار .
بفضل الله توقعت صعود الدولار ين قبلها .
وتقدرو ترسمو الفيبو على اى شارت وتشوفو مدى الدقه .
الحمد لله نتائج مشرفه . وتوقعات نسبه دقتها تتعدى ال 90% .
مع العلم انى لا انظر الى اجنده اخبار نهائى . وبشتغل بيها على اى منصه وفى أى توقيت .
مشكلتى الوحيده تكمن فى المجازفه الغير مبرره للامانه .
يعنى النهارده فى المسابقه اشتريت اليورو ين .مع الافتتاح .ولانه نزل اولا قبل صعوده .المارجن مستحملش .
و د :اسامه موجود يقدر يشوف بنفسه لأنى كنت محدد بروفيت 112.80 السعر وصلها بدقه غريبه جدا .
خلاصه الفكره:::::::::::::: فيبو بطريقى
ويكفيك معرفه الاتجاه الحقيقى للزوج المراد العمل عليه واعتقد اننا نعرف اتجاه عام لزوج معين سهله مش صعبه .
والقاعده الأم:::::: لكل شئ نقطه ذهبيه او مركز .الفرق انه ثابت لكل شئ ولكن متغير فى الفوركس واسبكو تكتشفو لوحدكو ازاى بيتغير .ونطلع النقطه الجديده.
النقطه الذهبيه منها البدايه ولها العوده .
ملاقيش عند حد فيكو بقى وصفه تخلينى أبطل مجازفه ؟؟؟؟؟؟لأنى فى المسابقه لو التزمت بدخول معقول كان زمانى محقق 200% من الحساب لكن للأسف احدد والمارجن ميستحملش.
....................
ندار الى د : اسامه . ياريت تخلى كل اسبوع مستقل عارف ان تم النقاش فى النقطه دى . لكن الفكره صدقنى واحده .
انت نفسك قد تكون اول الخاسرين برغم عدم خسارتك . بمعنى انت ماشى على مخاطره بسيطه جدا . هتحقق كام لو كل صفقاتك تمام التمام؟؟؟50% فى الاسبوع ؟
تخيل لو انت قصادى وجيت انا جازفت مره واحده بس وفلحت .هوصل الحساب ل 100% يبقى شغلك كله راح وعديتك لمجرد انى جازفت مره واحده ومش محتاج افتح صفقات تانى خلال الاسبوع . اعتقد فاهمنى...............
سهل جدا ان واحد يفوز بالحظ لمره او مرتين او تلاته لكن صعب انه يستمر .
يعنى لما ابدأ المسابقه الاسبوع الأول بحساب وافوز . والاسبوع التانى بحساب وافوز الى اخر المسابقه يبقى استحق ؟
غير انى ابدأ بحساب يتخبط مره ويمرجن مره ويضرب مره . يبقى لو فزت مبقاش استحق .
أخيرا وليس أخرا دمتم فى حفظ الله . وأتمنى من عنده جديد . الموضوع مفتوح للنقاش ان شاء الله
أتمنى محدش يفتح النقاش فى موضوع الممسابقه وطلبى من د اسامه هنا .حتى لا نخرج عن سياق الحديث .
السلام عليكم