من الأخطاء الشائعة فى الفوركس يقولك لازم الربح يكون اكبر من نسبة المخاطرة
ولكن بيحسبوها بطريقة خاطئة ..
هانفترض زوج عملة الباوند دولار ...وكان مثلا ب 16300
وقلنا نشترى على مراحل ووقف الخسارة عند كسر 15800 لأسفل
تمام يعنى حوالى 550 نقطة 500 + 50 لزوم تأكيد الكسر
طيب هاتقولى داخل الصفقات اللى على مراحل ديه وهدفك كام
ممكن اقولك 50 نقطة او 100 او 200 لأنى هاقفل وافتح وهكذا
ماهو زوج العملة مش اول ماهشتريه هاتجيله هستيريا وهايطلع طوال الوقت
أكيد هايريح شوية اقوم ابيع ثم اشترى مرة أخرى ..
ولو انا مش محترف اووى ...خلاص انا اشتريت على النقاط المتدنية
وهاخد من كل صفقة مثلا 200 نقطة ..
يبقى مفيش صفقة انا دخلتها الربح اعلى من المخاطرة
فهل انا كدة خطأ ...لا ياصديقى طالما ان رأس مالك يحتمل ايقاف الخسارة
فأنت تسير بشكل صحيح ...
هذه النسبة هى نسبة كما يقولون نموذجيه للأستثمار ..
لكن افرض ياسيدى الفاضل لم ارى الفرصة على الباوند دولار
الا عند ال 16300 ولما جيت اشترى قلت لى لا ماينفعش ..
أصل المخاطرة اكثر من الربح ...وقتها سأقول لك ان الواقع العملى يقول غير هذا
حذارى ياصديقى اللورد من جمود النظريات
...كن أكثر مرونة مع السيد السوق