فى الملف الذى قمت بتحميله ياصديقى اللورد ..
ستجد العبد لله كاتب بيانات 24 ساعة سابقة لزوج عملة النيوزلندى دولار ..تمام
فى العمود الأول ...بنكتب ادنى سعر للساعة
والعمود الثانى بنكتب اعلى سعر لتلك الساعة
وبنشوف ادنى واعلى سعر فى ال 24 ساعة ..اى المدى لهذا الزوج
ووجدنا فى مثالنا السابق ان ادنى سعر كان 8163
وكان اعلى سعر هو 8287
أخذنا هذا المدى وكتبناه فى العمود الثالث ..من الأدنى للأعلى
من 8163 حتى وصلنا ل 8287
مفيش اى مشكلة فى هذا الكلام ...تمام
ثم امسكنا ساعة ساعة على حدة ...
وكل ساعة ستكون فى عمود مستقل ..ونبدأ تسلسل للقيم المكررة لدينا
نمسك الساعة الأولى ونبدأ برقم 1 من عند 8182 مش هى بدأت من عنده
ونشوفها وصلت لفين ..تمام وصلت ل 8192 ..وستجدنا ماشيين فى التسلسل
حتى رقم 11 ..ثم الساعة التى تليها هانزود على رقم 11 ومستمرين على ذلك
حتى نجد ان عدد الأرقام كانت 595
وزى ماسعادتك عارف الوسيط = 595/ 2 = 297.5 ..يعنى 298 تقريبا
تاخد رقم 298 ده وتشوف هو كان بيقابل رقم ايه فى المسلسل اللى كنت عمال تعمله
بمعنى الرقم ده قابل رقم ايه فى المدى اللى انت عامله ..
ستجده قابل رقم 8203 ...تمام
يبقى الوسيط هو 8203 لزوج النيوزلندى دولار
طيب وهاستفاد ايه من الكلام ده ...
تستفاد انه اختراق السعر الوسيط لأعلى يعنى الصعود والعكس صحيح
نقطة ومن اول السطر .