اخوانى واصدقائى ..شكرا جزيلا على تلك المشاعر الطيبة ..
وبالتأكيد الواحد بيفرح لما بيلاقى هناك تحسن فى الأداء للناس ..
لأنك بتفتكر نفسك وانت عمال تخسر ومش عارف ليه ..
ابيعه يقوم طالع اشتريه يروح نازل ...كنت قربت اكسر الحاسب الخاص ..
البنوك المركزية بتحاربنى ..ايوة زى مابقول لسعادتك ..انا مضطهد
ثم اكتشفت انهم ولا يعرفونى ...
ثم ده اقصى مبلغ كان ليا فى الفوركس 24 الف دولار
وكلما وصلوا لقرب هذا المبلغ سحبت منه ...
طبعا عملت اكثر من حساب ب 100 و 250 و 500 وأخدوهم منى
وقالولى معاك فلوس تانى ...
قولتلهم ده انا على يوسف بتاع الرقمى ...
قوليلى طيب هات بس فلوس وهانشوف ..
وأكتشفت اننى فاشلا فى إدارة اى مبلغ تحت ال 2000 دولار !!!
لماذا ...لأن طريقة عملى لا يوجد فيها ايقاف خسارة الا اذا كسر الأتجاه
طيب الباوند دولار مثلا ب 16300 علشان اوقف خسارته لازم يكسر ال 15800
يعنى معاك 500 + 50 لزوم الكسر = 550 نقطة
وطبعا كلما هبط بشترى ...يعنى بدخل تعزيز
لذلك لابد ان يكون فى الحساب مايحتمل هذا الأنعكاس حتى يصعد مرة أخرى
ولأننى مصابا بالزهايمر فلا اشترى او ابيع الا فى زوج عملة واحد
...لا استطيع ان اتابع اكثر من هذا
لماذا ...لأن زوج العملة الواحد ان انعكس بك 100 نقطة واشتريت فيه
فهو قد ينعكس بك 100 آخرين
او لا ...بينما الزوج الجديد ممكن ينعكس 100 او 200
...لذا بحب اخسر فى مكان واحد
واقعد اعمل متوسطات واتقمص دور البنك المركزى اليوسفى ...
ان شاء الله نكمل المسيرة التعليمية ...وخيرا ان شاء الله
خالص تحياتى العطرة لكم جميعا