اولا الموضوع انا شايف ان واحد بيعرض مشكلة واجهتة و الموضوع لا يمت بصلة لصاحب الموضوع و كمان عشان صاحب المشكلة مشترك ف الشركة
1 اخي لو التوصيات مش كويسة ف فترة من الفترات ف غالبا هتقفل الشهر ع تعادل و اعتقد دي اسوا نتيجة و موصلتش الشركة ليها حتي الان
2 الاخ كريمو بيقول انة عوض خسارة 10000 دولار ف شهرين يعني الشركة كويسة الي حد ما و غالبا الربع الرابع من السنة بيبقي المتاجرة صعبة جدا فيها لان في ارقام لازم تتقفل و في مستويات قوية بتتكسر و بالذات ف اخر شهر ف السنة ال احنا فية لا دة شهر (تقفيل القضايا ف المحاكم) ههههههههههه
3 الاخ كريمو برضة مشكورا قال قبل كدة انة بيقفل الصفقة قبل الهدف و بيكتفي بجزء من الربح ودة حاجة كويسة جدا و بالذات لو داخل بلوت عالي . متبقاش الصفقة مثلا كسبانة 40 دولار و لازم عايزها تقفل خمسين تقوم متردة و خسرانة خمسين يعني خسرت الاربعين بالاضافة 50 يعني 90 نقطة خسارة زي صفقة النيوزلندي الاخيرة كانت تقريبا محققة 30 نقطة و ارتدت
4 مقدرش اقولك متدخلش الصفقات ال متوافقة مع تحليلك لان ممكن هي ال تحقق الهدف و ال مع تحليلك تضرب الاستوب . ممكن تعمل كدة بس اكيد مش هتقدر تقول للشركة حاجة لان الشركة ال يهمها النتائج الشهرية للصفقات كلها
5 ممكن اول ما الصفقة تحقق نص الهدف تحرك الاستوب ع نقطة الدخول عشان لو ارتدت قبل الهدف تكون انت ف امان بس برضة خالي بالك ممكن ترتد تاني و تمشي ف اتجاة الهدف بعد ماكسرت الاستوب ال علي نقطة الدخول ممكن ساعتها تاخد اوردر تاني
6 في ناس بقوا مشتركين ف الشركة دي فياريت طلب من الاخ كريمو لانة صاحب الموضوع انة يحطلنا نتائج شهرية او يقولنا تقديريا كدة حقق كام نقطة الشهور ال فاتت
7 شكرا للاخ كريمو وجزاه الله خيرا وبارك له الله في المال و الولد عما يقوم بة