بالعكس يمكن السؤال ده أهم سؤال لازم تسئله قبل أن تبدأ فى الفوركس
خصوصاً إن معظم أو كل من خاض التجربة فشل و يعود فى النهاية يسئل هذا السؤال و يقول فى نفسه
"أنا جربت كل شئ هل موجود فعلا الكائن الهلامى اللى عنده شئ مختلف؟!!"
و لكن انا هقولك شئ عشان ترتاح نفسياً
فى ناس مثلا فى جامعة ميتشجن او فى جامعات اقتصادية تانية سواء عرب او اجانب بيدرسوا الاقتصاد بشكل عام و بشكل مفصل و ملم بكل جوانب و عوامل و الطرق و الوسائل اللى بيسير فيها كل الاسواق سواء فوركس او سلع او اسهم او غيره
الناس دى فى النهاية لما بتبدأ تمشى مشوارها سواء للتجارة او لادارة محافظ او للعمل كمحللين بشركات بينزلوا تقارير و توصيات عبارة عن
توقع حركة معينة للسهم او الزوج مع وضع الحركة البديلة فى حالة انعكاس السوق
و بتكون توقعاتهم على المدى المتوسط او الطويل و بيوصلوا للنتايج دى بسبب التحليل الاساسى للدول و الاقتصاد العالمى و حركة العرض و الطلب و الاتفاقيات و الاخبار و البيانات الاقتصادية
مع استخدام مؤشرات مثلا زى الزخم او الار اس اى كمجرد اداة تقريبا مالهاش لازمة اوى بتساعد تحاليلهم و فى اللى مابيعتمدش على مؤشرات اساسا
و بيكونوا دارسين جداً كيفية استخراج الاتجاه العام للزوج و المزاج العام للمستثمرين و البنوك و السياسة المالية للدول دى
اما فى المنتديات سواء العربية او الاجنبية و الناس بتوع الاكسل و الخمسين الف مؤشر على الشارت
تلاقى مثلا الشاب و المبتدئ بينخدع بحاجات زى الرينكو او مؤشرات بتحط سهم على الشارت سواء طلوع او نزول و غيره من المؤشرات اللى لو ليها اهمية مكانش المحلل درس او ضحى بوقت و جهد و فلوس و سفر و دراسات عشان يوصل للعلم ده
و نصيحتى ليك انت و كل اللى بيبدأ غلط و مش عارف يحدد مسار لنفسه
السوق ده اكبر منك بكتير بشكل مادى و معنوى
حاول تكبر مخك بمستوى يليق بالسوق
حاول تحترم السوق ماتحطش شوية عك على الشاشة و تقول دى استراتيجية الموسم و كل موسم
احترم الشارت عشان يديك على اد نيتك
تحياتى